خمس الغار - °~*¤®§(§ شبـــكة ويــلان العـربـيـه §)§®¤*~ˆ°

**masha3el ** · 10/03/09, (02:13 AM)

خمسه وخميسه

السلام عليكم ورحمه الله وبركاته

خمس الغاز واللي يبي يحل يحلهم صح يعني لو جاب اربع من خمس بقول له انت من قبيله من جنبها يعني لازم الحل كااااااااااااااااامل والكامل الله

وش قالو لكم هينه انا ما ارحم باللغز مافيه حيص بيص

1

انشد ك عن رجلا اخذ من البيض ثنتين

يرقد بينهن وكلا يشوفه

لا اخذهن بدعه ولا اخذهن على الدين

والكاف لتوضيح اول حروفه

__________________

2

يا ويش شيخا كل همه ركوع وسجود

جسمه نحيل ودمع عينه جاري

ملازماللخمس والناس في هذا شهود

يعمل طوال العمر في خدمة الباري

__________________

3

ويش رجلا يندبونه في المواقف الخطيره

والمعارك خاضها والبطن مليان اطعونه

جاء منها بالغنيمه ياعسى في الامر خيره

هو جزاء من خاض بالميدان قاموا ينطلونه

__________________

4

انشدك عن شي وجوده ولا شي

يفزع الياحس الزعيم باهلا كي

ينقـذ الزعيـم اذا مر في موقف سي

اليا شارف للخطر والهلا كي

__________________

5

انشدك عن غذرى باسم رجال

لو يجتمع كل البشر ماقدرها

حراسها رجلين ماهم عقال

لا كن لا يمكن تعدى اديرهـــا

يارب يجيبون العيد

**masha3el ** · 10/03/09, (01:20 PM)

هااااااااااه وينكم هجيتووووا

ابي الحل
حاطه اللغز لنفسي انا ؟؟؟؟؟؟؟؟

**أبو غرام** · 10/03/09, (01:24 PM)

كذا مفروض ندخل باسم جماعي عشان نحل

ماشاء الله عليك لاتحمستي تهورتي

^_^

كان على الاقل جبتي على واحد واحد

^_^

عموما بنتظار تفاعل الغير

^_^

**masha3el ** · 10/03/09, (01:27 PM)

هههههههههههههه
ابو غرام كان نفسي اقولها من زمان ومن حسن حظي اول واحد انت بحياتي اقولها لك

مالك لوا
انت انضميت لقبيله من جنبها

**سليمان الجعفري** · 10/03/09, (03:10 PM)

ياجماعه ماعينتوا ذهوب عدده خمسه

اللي عينها يذكرها جزاه الله خير

اظن مافيه احد الله الخيره

خفتوا

مالي

إلا الحقكم

وبعدين مشاعل

الله يهديها صعبتها خمسه مره واحده

مثل ماقال ابوغرام كان واحد واحد اهون

**masha3el ** · 10/03/09, (05:59 PM)

ابو غراااااااااااام ليه سويت تعديل كنت حاط اجابه كف اليد ليش شلتها

عاد تحمست انا بزززود

**masha3el ** · 10/03/09, (06:02 PM)

اقتباس:

المشاركة الأصلية كتبت بواسطة سليمان الجعفري

ياجماعه ماعينتوا ذهوب عدده خمسه

اللي عينها يذكرها جزاه الله خير

اظن مافيه احد الله الخيره

خفتوا

مالي

إلا الحقكم

وبعدين مشاعل

الله يهديها صعبتها خمسه مره واحده

مثل ماقال ابوغرام كان واحد واحد اهون

اخوي سليمان ملاحظ الاعضاء انحاشوا
لو جايبه عشره الغاز وش سوو اكيد بيحذفونه خخخخخخخخخ