إعتبرني شخص مات ..وانسني=وخلني ذكرى على رف الحيـاه
وغنني وقت إتضايـق ..غننـي=علني أكون ..عن ضيقك سـلاه
ياوليف الروح ..بعدك ..جننـي=والضمى للوصل ..مقطوع رشاه
من هواك ..ارجوك قبل تكنني=في ضلوعك ..لاتضيعني ب ااه
يوم أخيلك ..طيف ..شوق مرني=مثل حلم ٍ ..كان ..مبدي ٍ نهاه
ياصعيب الوصل..تكفى هدني=يكفي ..طيفك ..كم سنه امشي وراه
لا لحقته ..صد عني ..وصدني=ولابغيت انساه ..يذبحني ..غلاه
ولا ذكرت ..شلون ..بعدك سمني=قلت أغيب ..واترك السم ..ودواه
واثرني ..ما اقوى فراقك ..اثرني=لامنعني العقل ..قلبي ..جاء ..يحداه
نوري ..عيني ..ليه ..تبغى تذلني=ماكفاك ..أموت بك وانت الحياه
وماكفاك ..الشوق ..يمك ..زمني=مثل زمة طفل ..يصرخ من ضماه
هدني ..يازين ..والا ..ابنني=دام صرح الحب ..ملك لمن بناه
يامليك الروح ..تكفى دلني=لا تخليني ..حبيبي ..في متاه
وان لفيتك طيـف حلـم ..سلنـي=والا ما للطيـف ..حلـم ..باللقـاه
كل ..مابك ..لاذكرته ..شدني=لين ضعت ..وضيع الهاوي ..خطاه
ولابغيت تروح ..روح ..وعزني=حتى لوني ..ميتٍ ..يقبل ..عزاه
والا تدري ..يابعدهم ..ذكني=ذكني بيديك ..كافيني ..اساه
كافي ..اني عشت حلم ..تحبني=وكافي ..مات الحلم ..ماحقق مناه
وخلني أموت ..تكفى ..خلني=فاقدك..يالروح ..وش تفرق معاه
وإعتبرني شخص مات ..وانسني=وخلني ذكرى على رف الحيـاه
07/01/09, (07:24 PM)
إعتبرني ..شخص مات ..وأنسني
العرض العادي
