سرقت من الزمن لحظة وهربت بسرقتي للجال .. !!!

[أبو فهاد]

قصيدة أعجبتني وهي قديمة لكن في غاية الروعه .. أتمنى أن تلقى إعجابكم ..


القصيدة لشاعر سالم المري ..


بعنوان / قـصـة المرســال ..





سرقت من الزمن لحظه .. وهربت بسرقتي للجال
اسـامـر ذا البـحـر لامــن غـشـاه اللـيـل بـسـتـاره
انــا الـلـي جــارت بحـقّـه حـيـاةٍ مـاتــدوم بـحــال
سهيـر الليـل تضـوي لــه نـجـومٍ غـنّـت اشـعـاره
كسيـر ويجبـر ابياتـه .. يصـيـغ بكسـرهـا مــوال
وحيـدٍ بـيـن جـلاسـه .. غـريـبٍ فــي عـقـر داره
وانــا لــي طـيـر الامـنـك نخيـتـه تـازنـه بـرجــال
اعـزّه حيـل انـا واغليـه .. و ازيـد بـدوم مـقـداره
شكيت لطيري همومي .. ومن همي رثيـت الحـال
حكيـت لطيـري قصـةٍ زرعهـا قـد ذبلـت اشـجـاره
غرست جذوره بصدري .. سقيته دمعـي الهمّـال
رعيتـه صابـرٍ عمـري .. وكانـت روعـة ثـمـاره
وليفي نـادر بوصفـه .. زهـى خـده غـرور بخـال
كفـايـه وجنـتـه فيـهـا دلـيـل الـحـسـن و شـعــاره
وعيـن ٍ ساحـره تسبـي .. حواهـا رمشـه القـتّـال
مـلاك ٍ يجهـرك ضـيـه .. شـعـاع الـنـور معـيـاره
سكوتـه لغـز حسنـه وان حكـى متـوازن ٍ مــا قــال
لقـيـت لسـانـه الحـالـي غـديـر الشـهـد وانـهــاره
وسامرته على ضوي .. سقيتـه مـن هـواي دلال
تناسـيـنـا المـسـافـه بيـنـنـا والـوقــت واطـــواره
ولكـن مالبـث خلّـي .. هجرنـي ونـكّـس الفنـجـال
تركـنـي غــارق بحـزنـي اشـاهــد بـاقــي آثـــاره
ولحظـة مالمـح طيـري .. عيونـي دمعهـا ينسـال
فزع لـي وانتخـى واقسـم .. نـذر لاجيـك باخبـاره
فـرد للريـح جنحانـه .. تركنـي وانطـلـق بالـحـال
تـوجّـه قـاصـدٍ خـلّـي .. الا يــا بـخـت مـــن زاره
تاخـر طيرنـا الغالـي .. تاخـر و السفـر بــه طــال
تـاخــر لـيـتـه يـعــوّد يــــرد الــــروح مـسـيــاره
الا يــا نجـمـةٍ طـلّـت : دخـلـيـك ويـنــه الـمـرسـال
بعثـتـه صــار لــي مــدّه عـسـى ياتيـنـي ببـشـاره
حزينـه ردّت النجمـه : رسولـك طـاب لــه مـنـزال
عجبه من الملا خلّك .. خطف مـن صيـدك خيـاره
افـااا جريتهـا ونّــه .. كـمـا ونــة صـويـت نـبـال
طعنـي مـن ورا ظهـري ؟ نجفنـي بـحـد منـقـاره ؟
حسافـة زلـت لسانـي .. الا ليتـه سـكـت مــا قــال
الا لـيـت المـعـنّـى فـاطــن ٍ مـــا بـــاح بـأســراره
حسافـه مارجـع خـلّـي القـديـم ولا رجــع مـرسـال
الا يا سامعي قله .. وش اعـذاره ؟ وش اعـذاره ؟





وسلامتكم ..

[خلف الغريب]

اختيار موفق يا ابو فهاد..

الله لا يهينك على ذوقك الرفيع....

فعلا احيانا يجب ان تسرق اللحظات حتى تخلو بنفسك...

[عليا الشمري]

:
حسافـه مارجـع خـلّـي القـديـم ولا رجــع مـرسـال
الا يا سامعي قله .. وش اعـذاره ؟ وش اعـذاره ؟
:
نقل موفق واختيار جميل

صح لساااان شاعرها

وسلمت يداك أخي على النقل

تقديري ..

[الصقار]

ابو فهاد ---- اسعد الله جميع اوقاتك==

شكرا على الاختيار الجميل \\\\ وتقبل مروري