مكالمات لم يرد عليها=5

[عيد الوطيف]

المشاركة الأصلية كتبت بواسطة المطرفي

السلام عليكم ورحمة الله وبركاته


انا واخوي على ولد عمي وانا ولد عمي على البعيد

كثيراً ما نسمع هذه المقوله التي كانت هي المانع الذي منعني من المشاركه في هذا الموضوع

فـ عيد وبندر اخوان ومن دوننا جميعاً

وعيد قصد وقصيدته مشاريه على اخوه

ورد بندر يؤكد هذا اخ طلب السموحه من اخوه

ولاهي مسألة احزاب وحزازات

وعيد نخا ذيب وذيب لاحت راياته والمنخي لازم يفزع وهذي عوايد اللحوات الغانمه

بس المسألة بين اخوان والاخوان ما احد يجي بينهم " عارف ان الموضوع كله مزح لاكن الخوف المزح يقلب جد "

وعبدالله جايك موحف ويكب على النار حطب

وانا مثلكم منخي لاكن ما بالموضوع غير النصيحه


وعيد عنده العلم كله

وهذا اللي عندي ولا عندي شي غيره
وارجوا قبول هذه الابيات بصدور رحبه

،
،

سر يا قلم بالطرس والفكر يمليك = دامه صفا والقاف جاله مجالي
سجل جواب(ن) مابه اليوم تشكيك = ارضه عزاز ومابساسه هيالي
يا عيد ابن فرحان لا خاب راجيك = بعطيك موجزها وجود مقالي
خذ الحذر ياعيد من موج غاطيك = بالعين اشوف الموج والموج عالي
واحذر من اللي سكر الهرج يعطيك = وفي غبته ينقض حبال الوصالي
بندر سندك اللي عن الناس يغنيك = لو كانوا اصحابك عددهم خيالي
اليا حضر والوقت بالهم غاشيك = كنك من همومه والافكار خالي
وليا حضر ياعيد والجيش ناصيك = حطه على يمناك عند التوالي
من دونكم يثني وبالروح يفديك = في ماقف(ن) يصبح به الروح غالي
طالبك انا ياعيد تفصل بواجيك = لا تكبر القاله وتصبح خمالي
وياذيب قبل الختم في قافي انبيك = وظن عبدالله بفهمه مثالي
عيدن وبندر دون روضك وواديك = وانا بعد من دون حزمي وجالي
قلته ولاني بالتماثيل شانيك = ولا شنيت اللي برده عنالي
وختامها ياذيب جزله معانيك = والذيب عاداته افعاله جزالي

والسلام خير ختام
اخوكم
المطرفي

الله الله الله صح لسااااااااااااااااااانك مليون ، والله ما خليت من الحكمة شي ياسعود ، يعطيك الله 1000 عافية ، أما بخصوص الموضوع ، فهو موضوع للمداعبة والمرح فقط ، والحمدلله ما بالقلوب شي ، وانا وبندر نكتب قصايدنا بمجلس واحد ، ونكتبها على جهاز واحد ، ولولا السماح من الطرفين ما نزل ولابيت من اولها ، ومانزلت ولا قصيدة بهالموضوع الا بعد اذنه وعلمه واطلاعه ، وعبدالله اخونا الثالث وبناخي قريب ، واخونا الرابع ذيب وهو صديق لبندر وصديق لي عزيز ونلتقي لقاء شبه يومي وجو حميمي يفوق التصور ، الله يعطيك 1000 عافية عالنصيحة وانت يا خالي تامر علينا كلنا ولو ما كان من كل هالسالفة الا حضورك وقصيدتك الرائعة المرصعة بالحكمة لاكتفينا بذلك جميعا .

لا والله الا فصلت البواجي ولا عادني كاتب شي ابد ، لو كتبو 100 قصيدة ، ادامك الله لنا ذخرا وفخرا ..

تحياتي .. خالي العزيز ..

[ذيب]

أعذروني على الإنقطااع بأسباب السفــر مجبريـن ..



ولا بالله يالمطرفي عقلنا القيفاان ..


صح لساانك .. عيد

صح لسانك .. عبدالله

صح لساانك .. بندر


صح لساانك .. المطرفي



نقطة ..

إنتهى ..

[المسيكي]

المشاركة الأصلية كتبت بواسطة عيد الوطيف

أقدم المدعو : بندر بن فرحان المطرفي ، عمدا وعدوانا على عدم الرد ، مع سبق الإصرار والترصد ؛ فكان نصيبه هذه الابيات :

يا بندر الفرحان هذا العشم فيك=يجيك رقمي ما ترد اتصالي
مفككه ما هي بحاجه لتفكيك=وانا الذي بالعلم فهمه خيالي
راسك يبي تفرمت ورقعه وتشييك=ومن بعدها يمكن تجاوب سؤالي
قلي علامك ما تبيني احاكيك=وانت الذي لا من تضايق شكالي
اعلن عليك الحرب خطه وتكتيك=اعلنت لك حربي بجيش انفصالي
الجيش للتأكيد ما فيه تشكيك=والا انا لا جيت جبتك لحالي
لا صار ينفخ فوك توكي له يديك=ما تسلم القربه برخو الحبالي
الوقت لو تذكر جمعنا صعاليك=ارفا خمالك وانت ترفا خمالي
يومنها بالضيق سودا لياليك=ما قلت لي يا عيد حالك وحالي
تعطيني الجزله وانا ارد واعطيك=مابيننا حتى قسمنا الريالي
لكن خساره خنت ابدا مباديك=مبدا الاخوه خنتها يا حلالي
الوادي اللي فيه ماهو بواديك=تمشي جنوب ووجهتك للشمالي
لا صارت الدنيا عن آخوك تلهيك=دنيا العنا يا جعلها للزوالي
حبك يـ مروح ساطي بقلب مغليك=والا انت مثل خليف حسبة عيالي
والله ما اظن الذي جاك يكفيك=ولاهو بعد يشفي غليل بـ بالي
تقطع يدي ما اتشوف رقمي ولاا يجيك=وان جاك رقمي لا ترد اتصالي

اويحييييييييييييه ،، تصدق ياعيد اني غادي ،،

كلساع اشوف هالموضوع مكالمات لم يرد عليها=5
مدري وش خلاني ماادخل ،، يمكن حسبتها بجوالي ،، وواحد مطنشه مابي اكلمه

الوكاد ،، قصيدة ماعليها كلام ،،

صح لسااانك ،، حلوه والله ،،

لاعدمناك يالقرم

[بندر المطرفي]

حياك الله يالمسيكي نيابة عن عيد والجايات اكثر









دمت سالما

[المطرفي]

حياك الله ياذيب


وصح بدنك طال عمرك وماقصرت


وصح للسان الجميع

بندر ، عيد ، وعبدالله ، ذيب

وجميع من قام بالمرور له فائق الشكر والتقدير


وتقبل التقدير الصادق من اخوك

المطرفي

[عيد الوطيف]

يا مشرف الخيمة الرمضانية ........!!!!!!!!!!!


اللهم اني امرؤ صائم ..