أبكي فراقه وهو يبكي على أفراقي !!

[سعوط المجانين]

السلام عليكم ورحمة الله وبركاته


اسعد الله اوقاتكم بكل خير

الصاحب اللي على خبري قدح .. ضوّه = مابين حدب الظلوع .. وبيـن خفاّقـي
اللي ليا شاف .. زولي .. يقصر علوّه = وليا همس لي بصوتٍ .. عذب ورقاقي
اقصاي جبته واجيـب اقصـاه وادنّـوّه = ما عيّبته الظنون وهقـوة .. الهاقـي
عليه دمعـي يصـب ّ وبـارق ٍ نـوّه = تعبير .. عن ضيقة ٍ من جور الاشواقي
عقبه .. ونومي ضرير ووجه إمشـوّه = والليل ماله سواي .. ولاهـو ابلاقـي
كنّا .. نسوق الوصل بالطيـب وعّنـوّه = والبعد ماهز ّ لا عيني . ولا ..ساقـي
بالحيل .. جوّي علـى مـاراده بجـوّه = لو يصمت ّ بخوف تحكي دمع الاحداقي
عين ٍ تبيح الخجل في نظرّها .. جروّه = تطلب وداعي على توديـع الاعناقـي
ما بين موقف ضعيف ومنطـق القـوّه = أحن ّ له واعذره .. من كل الاعماقـي
يوم افترقنـا وزاد الصـد .. فالهـوّه = ابكي فراقه .. وهو يبكي على افراقـي
اللي فرقنا .. حيا .. وسلوم .. ومروّه = ما هيب نزوّة هوى في مجتمع راقي !
مالت بي ايام عمـري والعمـر تـوّه = اليا ذكرته اضيع ... وتنشف ّ أرياقـي
ياما وقلنا يا لو ّ الوقـت .. يـا لـوّه = ماكان ... قفى زمّنـا .. والله الباقـي

للشاعر : مساعد البيان

[خلف الغريب]

رائع يا سعوط المجانين ..

دائما تتحفنا بالجميل ...

واحب ابارك لك على التميز لهذا الشهر وعز الله تستاهل ..

لا تخلينا من الزين دائماً...

[سعود المسعودي]

	سعوط المجانين الله يعطيك العافيه على هالمجهود الرائع واتمنى لك التوفيق ودمت بود

[شيهانه]

الاخ

سعوط المجانين


اختيارك رائع لهذه القصيده

وصح لسان الشاعر

[هبوب العنزي]

بسم الله الرحمن الرحيم



ياسعوط المجانين اخترتا القصيده وكان اختيار خلا التعابير بالنفس تجول وتجول



تقديري لك

[ماجد الغانم]

الأخ العزيز ......

سعوط المجانين .........


الله يعطيك العافية على هذ ا الأختيار الجميل

وصح لسان الشاعر مساعدالبيان

دمت بكل خير

تقبل تحياااااتي

[مزيد المزيد]

الصاحب اللي على خبري قدح .. ضوّه
مابين حدب الظلوع .. وبيـن خفاّقـي
اللي ليا شاف .. زولي .. يقصر علوّه
وليا همس لي بصوتٍ .. عذب ورقاقي
اقصاي جبته واجيب اقصـاه وادنّـوّه
ما عيّبته الظنون وهقـوة .. الهاقـي


سعوط المجانين

سلمت يمينك على الاختيار الرائع وصح لساااااااااان شاعرها مساعد