سلام يالويلان واللغز جاكم،،،،،،،،، أبو عزه الركــــابي - °~*¤®§(§ شبـــكة ويــلان العـربـيـه §)§®¤*~ˆ°

**أبو عزه الركابي** · 14/10/07, (12:31 PM)

السلام عليكم ورحمة الله وبركاته
كل عام وانتم بخير وصحه وسلامه،،،،،

استلموا اول الالغاز والخير بالطريق أن شاء الله،،،

ماينفـع الرجـال كـثــر التحـاسيــف= ومايُردع المخطي سوى بالعقوبه
والله هـو اللي في يديـه التصاريـف= والكـل منــا يرفـع يـديـه صـوبــه
عساه يكـفينـا شـرور الصــواديــف= ويغفر لنا يـوم الجسـم دون ثوبـه
جيت البحر ومجـدف اليـوم تجديـف= ومـن اول المشـوار هبـة هبوبــه
كـيف الرجـل ياصحابنا دوم تزييـف= وياكثر ناسٍ ياعـرب هـم غدوبــه
وله اربع حروفٍ ترى دون تحريف= ومـا كـل رمعــه تعتبــر محسوبـه
اخـر اثنيـن ابـوك خلـه على الكيـف= يعنـي ابـوك وافهمــوا ياعـروبــه
وحـرفيـن شـي مـكتـفٍ دوم تكتيـف= وينفـك اذا كـل العـرب هـم دروبـه
بدعت صـدر البيـت والقـافيـه أيـف= والقافيه بالعجز صارت على اوبـه
وصلاة ربــي عـد سحـبٍ مراديــف=علـى النبـي اللـي كـلامـه عـذوبــه

أبو عزه الركــــــابي

**طيــف** · 14/10/07, (03:36 PM)

السلام عليكم

اخر اثنين ابوك خله على الكيـف = يعني ابـوك وافهمـوا ياعروبـه

(اب)

وحرفين شي مكتفٍ دوم تكتيـف = وينفك اذا كل العرب هـم دروبـه

(السر)

كيف الرجل ياصحابنا دوم تزييف = وياكثر ناسٍ ياعرب هـم غدوبـه

السراب

ولأنه 4 حروف يعني: سراب

؟؟

**أبو عزه الركابي** · 16/10/07, (06:55 PM)

أختي طيف
صح لسانك
زي ماقلتي الحل (( سراب ))
وشكراً لكـ على مرورك

،،،،،،،،،
بس للاسف ماشوف اي تفاعل عندكم بقسم الالغاز!!!!

وياهلا وياغلا،،

**طيــف** · 17/10/07, (11:02 AM)

اشوا صابت ماخابت

وبالنسبه للتفاعل .. من رمضان والعيد انخفض عدد المشاركات ومثلك عارف

ويلاا شد حيلك ويانا وحرك قسم الألغاز

تحياتي/