بعد بدر الحنيف.... شامخ والى كل وائلي فيه نخوه

[شــامخ]

بسم الله الرحمن الرحيم


اخواني الويلان


الى كل وائلي فيه نخوه وحميه


الى كل رجل فيه خير


الفزعه الفزعه


عبدالمجيد مبارك عيد راشد العنزي


شاب عمره الان 19 سنه


حدث القتل عندما كان عمره 16 سنه


ومطلوب ديه عشرة ملايين ريال


جمع منها حتى الان ثلاثة ملايين وسبعمية الف


ووالله ان القتل على شرف


وانا بنفسي وقفت على الموضوع وتاكدت منه 100%


واللي يبي يتاكد بنفسه يروح للنظيم ويجيهم بخيامهم اللي بجانب محطة الدريس بعد اكاديمية نايف للعلوم الامنيه

دام الشعر معنى وكلمه ومضمون = تعال واسمع شامخ اليوم وش قال
العلم يامزيد اذا الناس يوحون = هي معركه وانخى لها كل خيال
بحسابها مافيه طاعن ومطعون = محسوبة ٍ ياخوك بجنيه وريال
وان كان ربعي بالشدايد يصدون = مالي بهم حاجه الى زانت الحال
عبدالمجيد ابداخل السجن مسجون = ثلاثة اسنين ٍ ولاهو برحال
ورع ٍ على عشرة ملايين مرهون = اما تجي والا ترى السيف قتال
ماطاوع ابليسه على فعلة الهون = ولو هو فعلها حقه ابلبسة الشال
راع الردى وابليس ملعون ملعون = ماله ترى فيّة العز مقيال
وابوه حاله غادي ٍ دون في دون = تصفق به الايام من جال لي جال
يا لابتي تكفون تكفون تكفون = ياعيال وايل منتخي رجال واطفال
وانخى الحريم وكل شايب على العون = ويلقى جزاها عند علام الاحوال
وانخى هل المعروف واللي يفزون = للخير واللي باغي ٍ طيب الافعال
يم النظيم خيامهم لو تمرون = وكلن يشوف بعينه الوضع والحال
ترى (الولد) (والمال) (والحال) يفنون = ويبقى لك الصالح من اقوال واعمال
وش ينفع اللي للدراهم يعدون = تصدقوا باموالكم ياهل المال
تلقونها عند الولي خالق الكون = ولاتستهينون العطايا لو ريال
لي (امنيه) والناس دوم يتمنون = (( لو نجتمع مره على قلب رجال))

جوال مبارك عيد العنزي (0506105054)
جوال عبدالحميد عيد العنزي (عمه) (0556465059)


تكفون يالويلان


اخوكم/ شــامخ

[محمد الرسلاني]

لي (امنيـه) والنـاس دوم يتمنـون =(( لو نجتمع مره على قلب رجـال))

الاخ / شــــــــــــــــــــامخ

صح الله السانك والله يفك اسر عبدالمجيد

وتاكد عيال وايل خيرهم وصل للبعيد كيف القريب

تاكد ان الويلان مارح تتركه وصح السانك مره ثانيه

[سعوط المجانين]

صح لسانك ولاهنت وبيض الله وجهك

وان قالها الله الا نفك اسره بإذن واحد احد

[وليد الحويكم]

اخوي

شامخ

شاكرين على طرحك للموضوع

وعيال وايل وكل انسان فيه خير نشالله مهو مقصر

ياناااااس نبي تكثيف اعلامي اكبر تكفون يالويلاااااااااااااان


مع جزيل الشكر للاخ شامخ وكل انسان فيه حميه ونخوه

[عبدالله عايد]

شامخ

صح لسانك وعلا شانك

رائع ما كتبت والاروع تفاعلك وندائك

تسلم وبيض الله وجهك وصح لسانك مرة ثانيه

والله يفك اسر عبدالمجيد وهو السميلع العليم

وتقبل فائق تحياتي لك .

[بدر الحنيف]

شــــامــخ ،،،



بكل شموخ .. يأتي تفاعلك .. للقضيه التي تعني لنا جميعا ..


فالوفاء .. طريق لا يسير عليه الا اقدام الافياء .. فقط ..



فحن .. بحاجة الى .. صوت شاهق .. يسندة الفعل المشرف ..



شكرا لك حتى ترضى ..


لو كان .. من الواجب .. عليك .. هذا الفعل .. وليست بحاجة الشكر ..



تقديري لك .. ولشموخك ..،،

[شــامخ]

المشاركة الأصلية كتبت بواسطة محمد الرسلاني

لي (امنيـه) والنـاس دوم يتمنـون =(( لو نجتمع مره على قلب رجـال))

الاخ / شــــــــــــــــــــامخ

صح الله السانك والله يفك اسر عبدالمجيد

وتاكد عيال وايل خيرهم وصل للبعيد كيف القريب

تاكد ان الويلان مارح تتركه وصح السانك مره ثانيه

اخوي محمد ياهلا ومرحبا فيك

صح بدنك والله يسمع منك


شــاكر مرورك