محاوره بين ... عبد العزيز القلادي و شافي بن راشد العجمي

[$$ مـهـاجــر $$]

السلام عليكم ورحمة الله وبركاته


هذه المحاوه احببت ان انقلها لكم


وهي بين الشاعر / عبدالعزيز القلادي والشاعر / شافي بن راشد العجمي
شافي بن راشد

ياسلام الله سلام على حسب الاصـول=وصلو الشعار ياهل القلوب الصافيـه
ودي الليله مع الشعار انصول او نجول=ومن قصير السان يسري ورجله حافيه

عبد العزيز القلادي

مرحبا ترحيب وافي يمر بكل حول = كل حولٍ بالسنه لك يمر بقافيه
خذ قناعه ياعميلي عسى عمرك يطول =القصير ما يطول والوفا بالوافيه

شافي

البقا بك ياعميلي عدد حيد ابو الهـول=كل حيده فوق حيـده وعـد الخافيـه
الحروب اليا بدت تسمع قريع الطبـول=جاك رمحن ياعميلي من راس مشرافيه

عبدالعزيز

ياعميل الخير ليت الجمل شال الحمول =جعل روحٍ ٍ عايشه تطلب الله العافيه
لا تقرقعك الطبول انت ياراع الذلول = بالمعارك خيل وسيف والرقاب الهافيه

شافي

الجمل فوق الظهر حمله الليله مجـدول =ونت راعي العمله اللي معى الصرافيه
ولن بغيت الجد اضنك على الطبله تجول= مثل عودن وسط بيتـه ونـاره طافيـه

عبد العزيز

الجمل ماهمه الحمل مع اربع فصول = لا تطق الباب والناس عنك غافيه
ماحـلآ تغريد طيرٍ خرج من وسط جول =لا تقرب يـم ناري ويدينك دافيه

شــــــــــافي

ماني والله صيدتك انت يابوعيون حول=وحن طيور مقرنسه وطيور اصنافيـه
المشامخ بالظافـر وتفكيـر بالعقـول=والاوادم تعـرف الرايحـه واللافيـه

عبدالعزيز

ماني قايل ياصديعٍ(ن) ولاأقول امهبول = مير اقول الله يعينك ياطيري كافيه
انت لو برقت بين المسنع والميول = مع نسانيس الهوى لا تجيك السافيه

شــــــــافي

ابشر اني افتح الخـط ورد الحلـول=اسئلـو ياربعنـا والاجابـه شافيـه
راكبين الطايره مالدوا راعي الرحول =والملاعب بين مطلق وبين صيافيـه

عبد العزيز

ويا محللت الحلول ويـش هو عكس الذبــول = ما خبرتــك يابن راشــد بـحزب ائتـلآفيــه
لا تـطيح الطايره بعد ما تطلع نـزول =وأعـــــتـبر ان المـعــــــاني بجــــيــــش المافيـــــــه

شــــــــافي

يامعلم ابلش الطلاب في بعض الفصـول=عكسهـا النضـوج يابوحمـول خفافيـه
بنشدك عن رجل معروف وبرجله حجول=ون زهمته شب نارك ولو انهـا طافيـه

عبد العزيز

يا عميلي يستمع لـي تـرى اهـل العقول = ميز الجـره وتلقا هـروج وافيــــه
يامـدور للمـطر والسحابه والسيـول = ان لقيت اللي ربيعك جــعـــلـها عافيه

شـافي

ياصباح الخير ولاعساها بالخلـول=حد بالصمان وحدن على الطرافيه
يامضيع الاجوبه لاتردد بالطلـول=واللغز حله منفاخ النيره اللي طافيه

عبد العزيز

يا صباح اتضيعه بين عادل ومعدول = ما خبرت اللي بداره يحب النافيه
والله اني عارفٍ مير وش ودك تقوول =السحابه والسيول ويش معها ضافيه

وســـلامتكم

[محمد الدلماني]

عبدالعزيز



ياعميل الخير ليت الجمل شال الحمول
............................ جعل روحٍ ٍ عايشه تطلب الله العافيه


*******


لا تقرقعك الطبول انت ياراع الذلول
.......................... بالمعارك خيل وسيف والرقاب الهافيه



شكرا لك يالمهاجر على نقل هذه المحاوره الجميله

وصح لسان الشاعرين

والشاعر عبدالعزيز القلادي شاعر كويتي جديد على الساحه

[مزيد المزيد]

مهاااااااااااجر


يعطيك العافيه وسلمت يمينك على نقل هذه المحاوره الرائعه والجميله بين الشاعرين


واسمح لي فقد قمت بتنسيقها قليل" ارجو ان ينال اعجابك


دمت بكل خير

[$$ مـهـاجــر $$]

الاخوان

محمد الدلماني

مزيد المزيد

الشكر لتواجدكم وردودكم

وتمووووووووون ياخوي يامزيد بالعكس كذا احلى

[عبدالله ثويني المانع]

أخوي مهاجر أسعد الله جميع اوقاتك

الله يعطيك العافيه

محاورة شيقه استمتعت بها كثيرا

لك كل الشكر والتقدير

دمت بخير

[الزرعاوي]

مشكور على نقل هذه المحاوره

ولنا بهذه المحاوره رأي آخــــــــــــــــــــر.

تحياتي .........

[شاعر محاورات]

شكرا لك يالمهاجر على نقل هذه المحاوره الجميله