بالصور : عائلة قطرية تقيم حفل زفاف خادمتهم

[سندريلا]

فاطمة ، او فطوم فلبينية كما يطلقون عليها ، عملت لدى عائلة قطرية كخادمة مدة 11 سنة متوالية

وبدون اجازات ، أحبتهم وأحبوها ، وأصبحت مثل بنتهم وأختهم ،

ففي يوم من الايام جاءت فاطمة الى معزبتها ربة الاسرة وقالت : ماما ! انا في رجال يسوي كلام بابا

مال انا داخل فلبين ، يبي انا عروس ( الترجمة: خطبني رجال من ابوي في الفلبين )

المعزبة : مبرووووك فطوم ، بس انتي ليش زعلانه؟؟

فاطمة : انا لو في عروس كيف انا بعدين ترشي فلوس ألشان بابا مال انا؟ ( الترجمة : لو انا تزوجت

شلون بعدين اطرش فلوس حق ابوي؟)

المعزبة : ولايهمج فطوم ، انا ازوجج أحسن زواج وأجيب خطيبج هني الدوحة وأزوجكم

وطارت المسكينه الفلبينية من الفرحة ، ومن فرحتها كانت بتنظف الفريج كله.

من هنا بدأت قصة الزواج ، التي تكفل بها مخدومي فطوم ،

ومن أشخاص حضروا الزواج الرائع بأيجاز بوصفه لكم :-

اولا طبعا العائلة تكريما وعرفانا لفطوم والعشرة اللي بينهم جابوا المعرس من الفلبين وعلى حسابهم

وسكنوه في بيتهم وعدلوا لهم الغرفة ، والمعرس جايب معاه المسكين البدلة السودة

ولكن المعزبة قالت حق عيالها فصلوله ثياب وجيبو له بشت ، وبالفعل تم ما أرادت الام

اما يوم الزواج الرجال والمعازيم من القطريين والفلبينيين المسلمين وحديثي الاسلام ،

وفطوم جابوا لها كوشة ، ودي جي اسلامي (DJ) ، و بوفيه من أحد المطاعم ،

والمعازيم من القطريات والفلبينيات وصديقات فطوم من خادمات الفريج ،

وأقيم الحفل في منزل العائله بتاريخ 24/6/2007م

وإليكم الصور

(صور بالجوال)

[محمد الدلماني]

المشاركة الأصلية كتبت بواسطة سندريلا

فاط

وطارت المسكينه الفلبينية من الفرحة ، ومن فرحتها كانت بتنظف الفريج كله.

يابخت من وفق بين راسين بالحلال والله يجزاهم خير يارب وقصه نادره تحصل في مجتمعنا




اما سالفة تنظف الفريج كله اوقع بعد شهر العسل بتسويها


شكرا سندريلا

[سندريلا]

شكرا محمد على مرورك

مب غريب الطيب على اهل قطر فديتنااااااااا >>

[محمد الدلماني]

حتى حنا طيبين


سندريلا اعقلي

[البيداء]

احم احم ،، دايمن حنا يالقطرييين افكارنا نيرة وافعالنا تبيض الوجه



ولا يهونون الغير طبعا ،، لاجل محد يزعلللل



يسلموووووووو سيندي على هالموضوع الحلوووووووو



اختك البيداااااااء

[سندريلا]

المشاركة الأصلية كتبت بواسطة محمد الدلماني

حتى حنا طيبين


سندريلا اعقلي

انزييييييييييييين انتوووووووووووو اطيب نااااااااااااس لاتزعل

[سندريلا]

المشاركة الأصلية كتبت بواسطة البيداء

احم احم ،، دايمن حنا يالقطرييين افكارنا نيرة وافعالنا تبيض الوجه



ولا يهونون الغير طبعا ،، لاجل محد يزعلللل



يسلموووووووو سيندي على هالموضوع الحلوووووووو



اختك البيداااااااء

يااااااااااااااااااااامرحباااااااااااااااااااااااا تراحيب البدوووووووووووو للمطر

هلا وغلا ومرحبااااااااااااااا منوره المنتدى عامة وموضوعي على وجه التحديد

الحمدلله على سلامتج البيداء

شكرا على مرورتس يالغلا ولا عاد تقطعين ترا لتس وحشه يالدبه