بعد ثلاث سنين حب

[سندريلا]

قصيدة تعور القلب يضرب الحب شو بيذل


ثلاث سنين وانا اخطط لهذا اليوم يابوسعود
تيسر حالي وجاهز أوفي وعدي بوقته
وفجأه جتني تتعذر تقول تأخرت الوعوود
وانا مستغرب واسمع كنه وعدها خنته
حسبت انها تمازحني وتتصنع جفا وصدود
ضحكت بوجهها من قلب معناها بايخه النكته
وقالت ارضــى بالواقع قلبي ماهو المعهود
تغير كل شئ صوبك نصيبي ما اظن انته
كنت بيوم محبوبي ولكن ما اظن نعود
وصل من قبل ماتوصل وانا ذاك الصبر عفته
ولكن تكفى صدقني ويشهد ربي المعبود
ترى ما خنتك بغفله ولا كلمته وشفته
صراحه اهلي قالو لي بإنه ولد اصل وجود
وجتني امه بالصوره وكلمات المدح اخته
سكت وقلت هي فرصه ما دام الجود فالموجود
وقالوا كل من حولي علامات الرضا سكته
وانا فكرت دام امه واخته ما عليهم زود
اكيد اني براضيهم اذا وافقت واخترته
واراضى اهلي واخواني مدام انه الفرح مقصود
عطيت الناس انا كلمه ومعاهم وقتي حددته
ولا اقدر اغيرها ترى عند العرب منقود
اوافق وعتذر باكر واقول الراي غيرته
تبي تشرحلي المنقووود تصدق عاد يابو سعود
تبيني اقتنع وارضى بحالٍ عمري ما عشته
انا ماني بقايلها عسى يفرش ثراها ورود
بعد ما حطمت قلبي وطعم الموت جربته
عسى بفستانها اشواك وفي ثوبه عقارب سوود
ونارٍ تحرق الكوشه وتحرق بيتهم حته
وموت بليله الدخله يبرد حرتي ياكود
ولا احس انها بحضنه يلامس خد لامسته
علي اهون اذا ماتوا ولا بنفس السرير ارقوود
ترى صعب علي اتخيل اللي ما تخيلته
عسى قاع الثرى يقسى ويتحول صخر جمرود
وحفار القبر يرفض يسوى فوق مقدرته
ترى دفنت عديم الذات تلوع حتى كبد الدود
ومن خان العهود ومات تعاف حتى مقبرته
عسى ربي يجازيهم بحبل من مسد ممدود
يعلقهم من اطرافه وفوقه نار وتحته
انا ماني حقود وشين ولاني من نسل نمرود
ومن حط نفسه بوضعي بيقول اللي انا قلته
مدام الفعل له ردت فعل والله ابشري بردود
بدعي دامني حي وبغرس لدعا نبته
وبسقيها نزيف القلب ودمع ما رحم الخدود
وتكبر والثمر ثاري من اللي خانني وصنته
انا نذر علي اكتب وافجر هالقصيد ارعوود
وسمع كل بشر صوتي عجبته ولا زعلته
واردد للي يسمعني اذا حبيت حط حدود
انا حبيت دون حدود وشوف الللي تكبدته
ثلاث سنين انا ابني وجت صوره بكل برود
خذت مني شقى عمري وحلمٍ قلت حققته
ثلاث سنين انااخطط لهذا اليوم يابو سعود
وتوافق من كلام اخته وصوره اربعه بسته

[!! بندووووول !!]

صح اختياارك ياسندريلاا





صراحه قصيده مؤثره








وصح لسان شاعرهاا









ولاهنتي على الاختياار



الموفق






بس نبي شي



يسعد القلب مررره ثانيه






الف شكر





لكي

[سندريلا]

هلا وغلا بندول افندي


تشرفت بمرورك وابشر من عيوني الاختيار الجاي يفرح القلب الله يجعل ايامك فرح



تشاااااااااو

[حمد الخمعلي]

الله يعطيك العافيه سندرلا


قصيده مؤثره جدً,,,,


سلمتي على هالإختيار


دمتي بخير

[سندريلا]

يامرحبا يالمهند


تشرفت بمرورك


كل الشكر لشخصك الكريم


دمت بود

[الجوهره....]

سندريلا


من جد قهر قهر بالحيل..


بس والله العالم بالخفايا

ياللي يحب وهو يستاهل الحب ما يرضى تجي حبيبه نسمة هواء...


دمت بهذا العطاء ياغاليه

..

[علي الرماحي]

سندريلا

أخترتِ فا أبدعــتـي

صــ ح الســان شاعرهــا


وسلمــت يميــنـــك