هــذه القصيــدة قـالهــا الاستــاذ/نــاصــر بـن خلــف الجـابــر احــد اكبــر شعــراء الحــايـط وامـــراءهــا عنــدمــا زار الشمــال وتحـديـدا
مــدينــة عــرعــر وكــان بضيــافــة غــازي نـومــان الـواطـي من امــراء العطيفــات وتشــرف بحضـور زواج ابن الشيــخ ذيــــاب عـرعـر
الضبيـــان اميــر المحلــف من الدهــامشــة وسعــد بـرؤيــة كــلا مـن وذكــرهــم بقصيــدتـــه:
اورنـــس بن عقيـــل المجـــلاد اميــر الدهــامشـــة
فـرحــان هجــرس الديــدب من امـراء الســويلمــات
مشعــان دحــام الصحــن الهــذال
ســالم غــازي ابـوالـروس من كبــار المحينــات من الدهــامشــة
برق لعج لـي نـو مزنـه شمالـي == من بعـد أخيلـه شوقتنـي بروقـه
يـا الله ألا يـا الله خـل العوالـي= = هبابهـا بالرفـق دوبـه يسـوقـه
أبيـه ياصـل ناشيـاتـه ثقـالـي== محمـل فـي مـاه تثعـب رفوقـه
أبيـه يسقـي ديـرة شـف بالـي==صفق الهوا عنها عسى مـا يعوقـه
دار لـربـع يحتـمـون التـوالـي==الطيـب موفينـه مطالـب حقوقـه
ربع لهـم بالجـود حبـل ومدالـي==من عد راهي شربهم مـن عموقـه
ربـع ليـا قالـوا وفـوا بالمقالـي==من زارهم حـراب يلقـى علوقـه
يلقى النمـش ومسننـات السلالـي==هذي غدا العـادي وهـذي غبوقـه
صم الرمك من دون خلـف متالـي==خيل عدت به خيل ربعـي صفوقـه
جعل الحيا لانساق يمطـر زلالـي==ديم مـن الرحمـة تهامـل ودوقـه
يسقي ثرا عرعـر غشيـن متتالـي==يسبل نشيـره بعـد ماطـر حقوقـه
يضفي على كـل الشمـال الخيالـي==يسقيه مـن مـزن تهامـل غدوقـه
لين الزهر يزها به الغصـن مالـي==والعود عقب اليبـس تنعـم عذوقـه
يخضر بها عود من الوقـت بالـي==يوم استقا من مـاه حيـت عروقـه
يرتع دبشهـم بالوعـر والسهالـي==الدهمشـي فيهـا يـرتـع بنـوقـه
يا زين رتعه فـي جديـد المفالـي==يوم أعشبت زانـت مفاهـق فلوقـه
بنيت بيوت العـز وسـط الدحالـي==وكل عمـل فنجـال يبريـك ذوقـه
فـوق الورايـث صففـن الدلالـي==البـن منهـا تـو مـا زان سوقـه
ينسـاق فنجالـه قبـول الرجالـي==لشربهـا الشـراب ذوقـه يروقـه
يا مسايلـي ذولا محـددة الجمالـي==افهم جزابـي كـان فكـرك لبوقـه
الضيـف يقلـط ويتخطـر عدالـي==يلقـى الوناسـة والتحيـة تشوقـه
من ربعة بالجـود ريـف الهزالـي==تعجب تحاياهـم وتعجـب نطوقـه
ما همهـم شيـل الحمـول الثقالـي==وعزومهـم ثقـل المحامـل تفوقـه
كم فتحـوا مـن مغلقـات القفالـي==بيبانهـا فكـوا جـويـد مغلـوقـه
خيـل الصحابـة لعتلوبـه عجالـي==خيـل عـراب معربـات سبـوقـه
لعننـوهـا شبـهـرت للقـتـالـي==خيل على جـدع المـدرع لحوقـه
الطيـب عادتهـم مـن أول وتالـي==سلـم الجـدود مجوديـن وثـوقـه
شيخانهـم كنـه رواسـي الجبالـ==يمثل الحـرار اللـي تقطـع سبوقـه
من كثـر كفخاتـه تبـت الحبالـي==لطالعت طلـع نشـر فـي فروقـه
مشعان ابـن هـذال شفتـه قبالـي==شمس النهار اللي صفت في شروقه
مقـدم للضيـف كــوم حيـالـي==الطيـب للهذال حــب معشـوقـه
شيـخ ولـد شيـخ رقـا بالمعالـي==في نايـف عسـر رفيـع شهوقـه
أورانس بن مجلاد مـا لـه مثالـي==مخلف ظنون اللي تضارب وهوقـه
مثل الجمل للحمـل فيـه احتمالـي==يلبس لبـاس العـز والعـز طوقـه
سهيـل فـي ليلـه بنـوره يلالـي==يبهج نظر عين نظرت بـه رموقـه
وذياب بن عرعر من الطيب شالـي==ربعـه بعـزه طايـلات عنـوقـه
أبو طلال إن سأل من هـو يسالـي==من باق في حقه عسـى الله يبوقـه
والديدب المشهـور بالطيـب نالـي==مذخور أبوه اللي مشا فـي طروقـه
بذال من مالـه عطـا مـا يبالـي==الطيـب للديـدب بصبحـه ريوقـه
وأبا الروس كوكب بالفضا فوق عالي==كـل يشوفـه زايـد النـور لوقـه
شيخ طلع مـن بيـن عـم وخالـي==الناس تشهـد لـه وتنطـق حلوقـه
غـازي ألا يـا الله مـده ليـالـي==أيـام عمـره بالليالـي معتـوقـه
الــواطـي اللـي لا وطـى مـايسـالـي==وش حـدر رجلــه مـاوضـع لـه دروقــه
غازي ولد نومـان مثـل الهلالـي==نـوره تمـدد بالدياجـي مـروقـه
غازي عطيفي والعطيفـي خلالـي==بعيـون عدوانـه وسـاع شقـوقـه
عطيفات مقدمهم عريـب الخوالـي==نفسه على شوف الطراقـي شفوقـه
أرجي السموحة ما ادعيت الكمالـي==الكامـل اللـي منـه رزق مخلوقـه
يا الله عسى البارق ليا انحى شمالي==تصدق على ديران ربعـي بروقـه
15/05/05, (11:51 PM)
من امــراء الحــايط الــى شيــوخ الشمــــال
العرض العادي
