رحــــبـــوا مـعــي بـالـصـحـفـي الـراقـي
والـشـاعــر الـجــزل دحــيـم الـنــومــسـي
فـهـو شــاعــر غـــنـي عـن الـتـعــريـف
له بـصــمه شعـريه تمّـيـزة عـن الاخـريــن
أضـافه لحـسه الـصـحـفي ونـظـرتـه الـثـاقـبـه
0
أسم ليس بغـريب عـلى المطـبوعات والـمـوروث الـشـعـبي
أستطاع بفتره وجيزه أن يجتاز الحواجز ويصعـد لعالم الاضواء
0
شاعـر له باع طويل في كتابة القـصيدة السهـلة الممتـنعـه
وأهم مايمّيزه عن الغـير أنه يعي ويعرف جيداً كيف يوازن
بـيـن الـشـعــر كـتـابـتـاً والـصـحـافـه كـمـهـنـه
0
دافع عـن الـشعــر لـلـشعـر فـقـط
مـن خـلال أراءه وكـتاباتـه الـراقـيه
وصـراحـتـه الـمعـهــودة وتـضـحـيـاتـه
لـرفـضـه الـدخـلاء عـلى أدبـنـا العـريـق
0
مـبـدع وضـع بـصـمـتـه فـي الـسـاحـة الـشـعـبـيـة
أثناء قيامه بالاشراف على ملف الشعـر بمجلة هاجس
عـلماً بأني أدرك جيداً مهما كتبت لن أوفي أبوشايـم حـقـه
.................................................. ..................................
أحــــــــــــــــــــــبــــــــــــتي أعضاء هذا الصرح الشامخ, أترككم مع مختاره من بعض قصائد شاعرنا :
من راح مع درب المراجـل لقابـه =طيب الرجال اللي لهم يشهد الطيب
والـذل مايعتـز شخـصٍ مشابـه = ممشاك مع درب المذله عذاريب
واللـي لبـس ثـوبٍ مـن ثيابـه = بكره يشوف الثوب بالعقل ويشيب
والفزعـه اللـي ماتعـز القرابـه = لعلها شمسٍ قبل تطلع تغيب
ياصاحبي معنـاي شيـبٍ شبابـه = ينساق له جزل الشعـر بالهناديـب
له درهم المعنـى وساقتـه ركابـه = قامت تجاذبله جميع المواجيب
معناي مضمون القصيـد انتخابـه = ياصاحبي يوم أختلاف الأصاحيـب
قل للغشيم اللـي ضياعـه غدابـه = وين انت في وقتٍ حمى شمخ النيب
وقـتٍ تعـاوا للقصيـد الذيـابـه = ماهوب وقتٍ يجهل السبـع ياذيـب
ياصاحبـي ماقلـت شـيٍ تهابـه = ولا فيه ضيف الا يـدور معازيـب
والفكر مدري وش بقى من زهابـه = غير العلوم اللي عليهـا مقاضيـب
سؤال ولا زال الرجاء في جوابـه = ولا لي نقـص المطالـب مطاليـب
ويقول أيضاُ :
من يعيش الوقت ياربع الأخوا شاف الهوايل = صح ممكن كل شي يصـير والنيـه مطيـه
ممكن تشوف القصير خلال خمس أيام طايـل = وممكن تشوف الجمل تركب على راسه لقيه
ممكن تشوف التغيـر بالطبيعـه والسلايـل = ممكن تشوف الهنوف الرجل والرجل الغضيه
وممكن وممكن وممكن تختلف كـل الدلايـل = لا يصير هناك روس ولا يعرفـون الحميـه
الوكـاد أنـه بوقـتٍ كثيـره قيـل وقايـل = كثر فيه الحقد وأهل الحسد وأهل العنصريـه
وأختلـط بالحابـل النابـل وكثـرٍ المحايـل = كل راعي صار شيخ وضاعه أحوال الرعيه
ويقول أيضا وهو ممتدحاً بصاحب السمو الملكي الأمير : سلمان بن عبدالعزيز أمير منطقة الرياض :
ياسـيـدي سلـمـان والطـيـب سـلـمـان = يـامـيـر نـجــد وسـورهــا يـاسـنـدهـا
سلمـت مـن غـدر الليالـي والأحــزان = ومـن حقـد خبثيـن القلـوب وحسـدهـا
ياالحاكـم اللـي تفتخـر فيـك الأزمــان = عنـد الزمـان اللـي يجـي مـن بعـدهـا
يامير مهما قلت في عوب الأوزان = مـواقـفـك يـنـهـي قـصـيـدي مــددهــا
ياخو فهـد .. ياعـز شعبـك والأوطـان = يـالـنـادر الــلــي كـلـمـتـك تعـتـمـدهـا
يالراسي اللي لو قسى الوقـت ماشـان = حقـايـقً صـمـت الـزمــن ماجـحـدهـا
يالوافـي اللـي لـك مـن العـدل ميـزان = مــن يفـقـد الوقـفـات عـنـدك وجـدهـا
رغـم الجحـود مـن الليالـي والإنسـان = لـك كــل صــادق بالنـوايـب شهـدهـا
ملكت حـب النـاس فـي سـر وإعـلان = شـف كثـر حـبـك بالقـلـوب وعـددهـا
لامـر لاسمـك طـاريً بـيـن الأذهــان = كــن القـلـوب مسـافـرةْ عـــن بـلـدهـا
عند الرجال أغلى من ادموع الاذعان = وعنـد النسـاء يرخـص لحبـك ولدهـا
ماهـو كـلام وبـوح شـاعـر بالالـحـان = لا والــذي ســاق الـبـروق ورعـدهــا
انـك مابيـن قـلـوب وعـيـون ولـسـان = حـبـك تـجـاوز كـــل روح وجـهـدهـا
واللي يقول الصدق ماهـوب غلطـان = الله امـــر باعـلانـهـا فــــي مـهـدهــا
الشاهد اللـي سـاق مـع غـر الامـزان = غـيـث يعـيـد الـكـل نـفــس رغـدهــا
انك ملكت الحب فـي عـدل واحسـان =ووعــود صــدق مــا تغـيـر وعـدهــا
تتعب وتشقى فـي حياتـك علـى شـان = مايـشـكـي الـحـاجـة وحــيــدً فـقـدهــا
وشلـون مايبـقـى لــك بشانـهـم شــان = ولك عندهم صـدق الشعـور وسعدهـا
ياسيـدي والله لــو أصــدرت ديــوان = وشـرحـت بــه مواقـفـك ماحـصـدهـا
الله يجـنـبـك الـبــلاوي والاحــــزان = يامـيـر نـجـد .. وعـزهـا .. ياسنـدهـا
29/07/06, (07:14 AM)
الشاعر والمبدع والمتألق : دحيم النومسي
العرض العادي
