’,’, يافديـــت عـــروق قلبـــــه ,’,’,’

[مشاعر حالمه]

السلام عليكم ورحمة الله وبركاته ..

كتبت هالقصيده اللي بحق يستحقها صاحبها ...

اتمنى ان تحوز على رضاكم جميعاً ..

,’,’,’,’,’,’,’,’,’,’,’,’,’,’,’,’,’,’,


ياقصيدي قم نخيتك ...سطّر أبياتٍ جزيله

علّها توفي جمايل ..صاحب النفس الأبيه

صارم شهم شجاع ..وشيخ من راس القبيلة

ذيب من صلب الذيابة ..شامخ يحمى الحميّة

الكرم طبعه وفنّه ..قرم مايرضى الهزيله

باسمعه وأطيع أمره ..دام انا ماعشت حيّه

ان طلبته أي حاجه ..واجده والا قليله

جابها لي مايخالف ...جابها مثل الهديّه

والله ان ابوي فخري ..مستحيل أوصل جميله

ليتني أقدر أعيضه ..راس مالي ومالديّه

ان بغيتوا صدق والله ..ما رأت عيني مثيله

تاج راسي فدوته ... عمري وماتملك يديّه

مستحيل أوفيه حقه.. لو فعلت المستحيله

ودي أكتب لين ينشف ..حبري ويوقف عليّه

لكن والله ثم والله ..تقولها بنت اصيله

لحفظ البيت وأصونه ..وأصبح البنت الوفيّــه

لبّـا والله ماتعلّــق ..منك ياولـــد الكحيله

استرح ريّح ضميرك ..بنتك ونعم البنيّـــه

,’,’,’,’,’,’,’,’,’,’,’,’,’,’,’,’,’,’,



تحيتي لكم / مشاعر حالمه ..

[حمد الوايلي]

لحفظ البيت وأصونه ..وأصبح البنت الوفيّــه



ونعم بك بنت اصول وصح لسانك على هذه القصيده الرائعه وهذا الاسلوب المتميز









وتقبلي تحياتي

ودمتي سالمه

[صالح الجزاع]

صح لسانك


يامشاعر حالمة



وبصراحة قلتي جميل القول فيمن يستحقة



وأسلوب متطور في صياغة بديع الامتنان



فالوالدين لهم حق الشكر .



وعشتي ويعطيك العافية



وتقبلي تحياتي


saleh88100@maktoob.com

[فاضي عبدالعزيز]

ان بغيتوا صدق والله ..ما رأت عيني مثيله

...............................تاج راسي فدوته ... عمري وماتملك يديّه

مستحيل أوفيه حقه.. لو فعلت المستحيله

...................................ودي أكتب لين ينشف ..حبري ويوقف عليّه

لكن والله ثم والله ..تقولها بنت اصيله

.............................لحفظ البيت وأصونه ..وأصبح البنت الوفيّــه





اختي الفاضله// مشاعر حالمه



صح لسانك قصيده رائعه تعبر عن اهم رموز الوفاء

والعفه والاصاله


دمتي ودام ابداعك الراقي

[سعود راجي الفريح]

مشاعر حالمه سلمتي وصح لساااااانك


دمتي بخير لك تحياتي
سعو الراجي

[مشاعر حالمه]

حمد الوايلي..

ونعم بحالك وماعليك زود يالقرم ..

صح ابدنك ولاهنت ع المرور الكريم ..

تحيتي لك / مشاعر حالمه ..

[مشاعر حالمه]

صالح الجزاع ..

صح ابدنك يالشيخ ولاهنت ع المرور والاطراء الجميل ..

تحيتي لك / مشاعر حالمه ..