ولع زقاره وطرب الراس يا حسين=واترك قصيد المقس وابلع كنافه

[ابويزيد]

مقدمة

كما نعلم ان هناك شعراء يكتبون القصيدة دون ان تفهم منها شيء وذلك من خلال التاقض او عدم فهم شيء من القصيدة او انها ترمز الى اشياء غير مفهومة لذلك احببت ان اكتب مثل كتابتهم وذلك من اجل السخرية بهم لذا تقبلوها مني بصدور رحبة





طبعا في بداية الامر كان هناك جني سيّر علي واسمه حسين ويقول لي اذا تبيني اجيب لك حبيبتك ابشر تراني قدها وسبق انه قام بخطف حبيبته على حصنية وترك الشاص ولم ينهج عليه وذلك من قوة تحديه فكان بيني وبينه مرادات شعرية:

جني ركبني يالربع له يومين=مجنون في شعره ويأكل كنافه
مطفوق طبعه ولا يحب النساوين=قلت حيا قلت أدب راع لقافه
ياراكبن من عندنا فوق ثنتين=وحده سبوقه والاخرى في خلافه
الاوله تاصل الى كامل الزين=حصنية من شاف زوله يخافه
يخطف حبيب القلب ورد الرياحين=يكلبشه قوة ويسرع اخطافه
والثانية شاص على الباب لونين=معلم(ن)ربعه وجايب اسعافه
مزبن وضعه وربعه شياطين=أردى وغد فيهم بوتن يخافه
كله سبايب وحدة تفضخ العين=أحلى عسل واثر العسل فيه سافه
محبوبتي راحت لها شهور وسنين=ومن عاف حب الروح والله لعافه
راسي تنفخ اترك الشعر بعدين=حلمي غدا ورد(ن)وقرب جفافه
ولع زقاره وطرب الراس يا حسين=واترك قصيد المقس وابلع كنافه

وسلامتكم
وهي انما سخرية من اولئك لي عودة بقصائد ساخرة



وشكرا لكم على مروركم

[محمد المقبل]

ابويزيد

صح لسانك مسرحيه جميله والله

يكفيك شرحسين

ودمت بكل خير

[محمد الدلماني]

صح لسانك يابو يزيد

استمتعت بقراءة القصيده

والله لايهينك

[ماجد الوايلي]

ولع زقاره وطرب الراس يا حسين///////واترك قصيد المقس وابلع كنافـه

ابو يزيد

صح لساااااااااانك مليوووووون ولا يكفون ....

ولاهنت

راائعه يالذيب ... بأنتظار جديدك

دمت بصحه وعافيه

[ابويزيد]

صح الله ابدانكم الجميع







محمد المقبل جعلك دوم مقبل على مشاركاتي
لا هنت
وجعل
حسين
مايسير
عليك









محمد الدلماني




شكرا على مرورك










واستمتع بمرورك وشكرا







ماجد الوايلي والله انت الذيب طال عمرك





وصح بنك مليونين ولا يكفنك والله








شكرا لكم على المرور

[saad saif]

اهم شي حسين لايطب المنتدى تحياتي

[سامي السيف]

ابـــــــــــــو يزيد تسلم وتسلم على التطرق لهذه الفئه