قــصــيــدة فــخــريــة - °~*¤®§(§ شبـــكة ويــلان العـربـيـه §)§®¤*~ˆ°

**مشوح الجعفري** · 15/05/06, (08:38 PM)

هذه القصيد للشاعر صالح الخمشي من ولد سليمان من عنزة

يابنت ابوها عودي لاعاشـت ايـام الذليـل
الوقت فينا مطلب ينساب له دمـع أجـودي

حنا من خلقنا بدو ومن خلقت الدنيا رحيـل
وإذا سمعتي بأصلنا يابنت قومـي وإقعـدي

سمي وذبي برقعك ثم إخضعي تحت الشليل
لولا الحرام بذمتي لأصل عنزه قلت إسجدي

أصل عنزه شيمة وفاء لاقل مزبان الدخيـل
بس الزمن ياتايهه عيـا الزمـن لايهتـدي

من طفلهم لين الكهل مابينهم شخص ذليـل
كلٍ شهد وقفاتهم وإنتي بعـد هـم إشهـدي

من نجد ينبع صيتهم لما يجي هاك المسيـل
ومن الشروق لغروبها يابنت ابوها وإنشدي

لو تنشدين اكبر جبل باسم عنزه يمكن يميل
هذا بالارض وبالسماء بين الثريا والجـدي

يابنت انا من لابة لادكـوا البيـداء تميـل
ارداهم اللي لياانتخى يشيل سيفـه ويعـدي

حتى الجبال الراسيه شلنا الذي عجزت تشيل
وإن ثارت الهوجاء يزوم واحدنـا و يعـدي

بالذات لاثارالدخن ياما شعلوا راس الفتيـل
الله وكيلك ماانثنوا لـو ينزلـون الجرهـدي

مثل السعف ميت ظمى لكنه برووس النخيل
ماحد ثنى راسه لاحـد الا لربـه مهتـدي

تدرين وش لك بالعنى وش لك بناس ماتميل
ناس تموت بموتهـا مايستهـان الا الـردي

ماللهوى يمي هوى وللعشق قلبـي مايميـل
كلٍ خوي لعشقته وأنـا خـوي السرمـدي

وسلامتكم

**شمــــــــوخ** · 15/05/06, (11:44 PM)

مشوح الجعفري

حياك الله

أختيار متألق منك لقصيدة شامخه ..

صح لسان شاعرهاا ..

وسلـــ ـ ـ ـ ـ ـــملت لنقلك لنا تلك الشامخه

,,

تقديري لك

,,

**فاضي عبدالعزيز** · 16/05/06, (12:08 AM)

مشوح الجعفري

الله يعطيك العافيه اختيار جيد وموفق

صــــــــــــــح السانك والسان لشاعر صالح الخمشي

لاهنت يالبناخي

**مزيد المزيد** · 20/05/06, (01:39 AM)

مشوح

الله يعطيك العافيه ولاهنت على هذا النقل المميز

وصح لسان شاعرها صالح الخمشي

دمت بكل خير

**فرحان العنزي** · 20/05/06, (10:31 AM)

مشوح الجعفري

الله يعطيك العافيه اختيار جيد وموفق

صــــــــــــــح السانك والسان لشاعر صالح الخمشي

لاهنت يالبناخي

**القماصي** · 22/05/06, (02:06 AM)

صح لسانك والله ولسان الشاعر

حنا من خلقنا بدو ومن خلقت الدنيا رحيـل
وإذا سمعتي بأصلنا يابنت قومـي وإقعـدي

سمي وذبي برقعك ثم إخضعي تحت الشليل
لولا الحرام بذمتي لأصل عنزه قلت إسجدي

أصل عنزه شيمة وفاء لاقل مزبان الدخيـل
بس الزمن ياتايهه عيـا الزمـن لايهتـدي

من طفلهم لين الكهل مابينهم شخص ذليـل
كلٍ شهد وقفاتهم وإنتي بعـد هـم إشهـدي

من نجد ينبع صيتهم لما يجي هاك المسيـل
ومن الشروق لغروبها يابنت ابوها وإنشدي

القمـاصـــي

**مشوح الجعفري** · 22/05/06, (07:32 PM)

الأخت شموخ
الأخ فاضي
الأخ مزيد
الأخ فرحان
الأخ القماصي

أعجابكم بما نقلت لكم هو تشريف لي ولمتصفحي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري