محاورة بين الزلامي والسناني

[سعود العنزي]

مـحــاورة بين الزلامي والسنانـي

--------------------------------------------------------------------------------

الزلامي

مرحبا ترحيبة إسلام في حفل الكرام
من هجوسٍ في المواقف ماتطفي نارها

وأنت ياللي تجمع الناس في قصر السلام
إجمع الشعار عندي وأجيب أخبارها

السناني

البقى باللي سلامه على حسب النظام
والعرب ماتقبل شعار غير شعارها

يالزلامي وجهت الناس للبيت الحرام
وأنت وش عندك من صغارها وإكبارها

الزلامي

لاتدخل شهر شعبان في شهر الصيام
مايغر الناس غير إختلاف أنظارها

يابدو ياللي على السيف تبنون الخيام
فتش الخيمه ترى الذيب في تيزارها

السناني

أنت شيخٍ معتبر كلمتك فيها كلام
العرب في كلمتك لاتسم أفكارها

لايهمك عين ابو زيد ماجاها المنام
عزوةٍ عند اللوازم تسوم اعمارها

الزلامي

سقت وحده بالعصى قد الأخرى بالخطام
لين طاحت فوق صم الصفى بأزوارها

لويشين الوقت ماطالت أرقاب النعام
يالله إستر حال بنت الحلال وجارها

السناني

الحلال نحلله والحرام اسمه حرام
وأنت حضك ساقلك دربها وإختارها

يالزلامي رجع الذاكره عشرين عام
مايخرب سمعة الناس غير أشرارها

الزلامي

المصيبه يكثر الطق ويفك اللحام
من يعرف وجيه الأسلام من كفارها

إنشد أم الخرص وام البناجر والزمام
هي سبب في سمعة الناس يلعن عارها

السناني

الدالائل بينه والرضى مسك الختام
كل لحيه يالزلامي على مقداره

أنت معطيها سلام وتحيه وإحترام
مير أنا بنصحك وانت إحتفظ أسرارها

الزلامي

استعن بالله والوضع من يمي تمام
ماتبي تغرق سفينه وأنا بحارها

بس أنا والله من اليوم في خشمي عرام
ودي أعرف من جهينه وويش أسارها

السناني

المصيبه جات تحت اللحم فوق العظام
زرعتك يابن الزلامي جنيت اثمارها

العرام يطيح والعود جعله للرحام
كملك يوم إنتحر عجها وإغبارها

الزلامي

مالنا عند أهل ينبع خوال ولاعمام
كان عندك مشكله صرها بصرارها

آمل أن تحوز على رضاكم
سعود العنزي

[القايد]

ابو فيصل يعطيك العافيه

أختيار موفق

تقبل تحياتي

[سعود العنزي]

المشاركة الأصلية كتبت بواسطة القايد

ابو فيصل يعطيك العافيه

أختيار موفق

تقبل تحياتي

الاخ// القايد


شـــاكــــــر لك مـــــــرورك الــــرائـــــع

لاخــــلا ولا عـــــدم يالــغـــالي

اخوك ابوفيصل

[محمد الدلماني]

لاهنت اخوي ابو فيصل على نقل هالمحاوره الرائعه