محاورة بين رشيد الزلامي والسناني
--------------------------------------------------------------------------------
السناني
ياسلامي عليكم بالتظام الجديد
والرياجيل مايهتز مقدارها
الحنتاتيش لاغاب الزلامي رشيد
يم قبر العطاوي تلفت أنظارها
الزلامي
مرحبا وأنت ضيفٍ جاينا من بعيد
عند ربعٍ تشب النار من نارها
إترك الناس لوتروح واحد وحيد
والقناوات لاتاخذ من أخبارها
السناني
البقا يالزلامي من هو المستفيد
كان طاحت كبار القوم واصغارها
وانت شيخٍ من الروقه وباسك شديد
صافح شيوخ برقى طالت اعمارها
الزلامي
مايضد الحديد الصلب غير الحديد
وانت مالك بمدخلها ومضهارها
كان ودك تمادى في العذاب وتزيد
سوقهالين تبرك بك على زارها
السناني
رأس ابو زيد يبكى والفقيد الفقيد
علم أصحابنا لاتخرب شعارها
عشت وانت وحيد وموت وانت وحيد
خطتك شيلها لاتكشف اسرارها
الزلامي
انت وشلون جبت السالفه ياعنيد
جبتها من يمين الدار ويسارها
يفعل الله بخلقه مايحب ومايريد
فالعرب شر واجهينه من اشرارها
السناني
الكتاب الموثق والكلام الأكيد
قالوا البورصه مختلة اسعارها
أنت اضنك تقول فراقهم يوم عيد
الله اكبر على الحفره وحفارها
الزلامي
كل ماقلت شيطان العروبه يهيد
جتك بنت الحرام تدق مزمارها
وان رميت السهم مدري السهم وش يصيد
جعلها في بعير القوم و!!!!ها
آما أن أكون وفقت
سعود العنزي
28/02/06, (07:08 PM)
محاورة بين رشيد الزلامي والسناني
العرض العادي
