محاوره نادره ..!!!

[نمش الشمري]

بسم الله الرحمن الرحيم

أقدم لكم هذه المحاورة النادره والتي جرت بين شاعرين من أبرز الشعراء في مجال المحاورة وهما الشاعر الكبير مطلق بن حميد الثبيتي رحمه الله والشاعر الكبير شليويح بن شلاح المطيري .



مــــــطــــــلــــــق :

يا شليوح المطيري على راسـك تحـوم
....................................وحدة يا ذيب مـا انـته بسالـم شرهـا
ما ينجيك العصيمـي ولـو أنـه يقـوم
.....................................والكبـود السـود لازم تمـوت بحرهـا




شــــلــــيــــويــــح :

شايبٍ راسي من الهوش واهواي السهوم
..................................وان بغيت تجرها مـن زنـودك جرهـا
خابرينك لاوليت العرب ما أنت برحـوم
.....................................مير مابـه ناقـةٍ تحتلـب مـن درهـا




مـــــطــــــلــــــق :

لك ثلاث اليال سهران تنظـر بالنجـوم
..............................والنجوم بعيد ماهـي فلـوس تصرهـا
ما بعدها يا لمطيري يقع فرك الخشـوم
................................يالله إلزم بحرهـا قبـل يغـرق برهـا



شــــلــــيــــويـــــح :

يوم أحسب احساب ماني بحاسب للرخوم
...............................والضعيـّـف لو يمر العرب مـا ضرهـا
ما عرفنا يالثبيتـي متـى حظـك يقـوم
...............................والخواجـة جـا بدشداشتـه مازرهـا



مـــــطــــــلــــــق :

ادعج العينين ما هو من الكحل محـروم
....................................مير هـات المكحلـة للعيـون وذرهـا
أنت مالك في مشاكل هل المشرق لزوم
.................................وأنت راع الحره اللي شوتـك بحرهـا


شــــلــــيــــويـــــح :



لو يزيد الكحل في عين حانيت الرقـوم
................................ما يضـر أعيونهـا كـل يـوم يسرهـا
وأنت خليت الشلاوى وغـازي للبقـوم
.................................والشلاوى تكحـل العيـن لـو تمرهـا



وسلامتكم .

[فهد معزي]

ادعج العينين ما هو من الكحل محـروم
....................................مير هـات المكحلـة للعيـون وذرهـا
أنت مالك في مشاكل هل المشرق لزوم
.................................وأنت راع الحره اللي شوتـك بحرهـا

لاهنت اخوي نمش على هذا المحاوره الرائعه

[متعب المضعان]

صحت السن شعراء هذه المحاورة الرائعة

ولاهنت

اخوي نمش

على وضعها امام اعيننا


تقبل تحيات

اخوك


متعب المضعان

[عبدالله الثابت]

نمش اناقلت اننا سوف نرى كل شي جميل


واول الغيث قطره


محاوره عظيمه لعمالقة شعراء المحاوره


تقبل شكري لك يانمش على نقلك لنا هذه المحاوره الممتعه

[القايد]

الاخ نمش

شكراً لك على طرح هذه المحاوره النادره مثل ماقلت انت

نعم هذه المحاورات صرنا مانسمع الا مقتطفات منها

فحسنت الاختيار شكرا لك

[محمد المقبل]

لاخ نمش الشمري

أختيار رائع الله يعطيك العافيه

فعلا محاوره ممتعه تشكر على هذا الجهد المميز

تحياتي لك

[نمش الشمري]

الاخ/

فهد معزي

أسعدتني بمرورك الكريم