مـــجــــد البــــاديـه ...."ســعـــد الحــريري"

[المسيكي]

يقول من جزل القوافي بدع فيه=طيب المثايل من ضميره نظمها
شعر ٍ على صلب المعاني امسويه=وفوق الصحيفه قيفة ٍ له رسمها
من بعد ماهاضت خواطر اتشفيه=عواطف تخرج على من حكمها
يالله ياللي كل مخلوق يرجيه=يامن دقيقات الخفايا اتعلمها
انك تبعدنا عن الغي والتيه=بدنيا تداخل نورها مع ظلمها
وتوضح لنا درب الرشاد ومباديه=.وتجعل لنا خير الامور ودعمها
دنيا تغير ماعرفنا لها جيه=وصارت خيار الناس تتبع خدمها
والمجد كل ٍ بالحشا يدعي فيه=ونسيت افعول ٍ ماضيات سهمها
مواقف ٍ حتى التواريخ تطريه=والغرب سجل من نوادر عظمها
يامد شيخ القوم فالقوم تتليه=وعلى المعادي لبسوها عسمها
وعادوا بكسب معظمات المشاريه=وكل ٍ اخذ قسمه وراح ووسمها
وياصاح صايح قالوا الناس لبيه=ان روحوا بابله ووخذت غنمها
وركبوا على قب ٍ وساروا مساريه=والخيل طيّر فالصحاري كتمها
ويامنهم لحقوا وبانت محاريه=تباشروا والكل ربعه لزمها
وثار العجاج وشاف كل ٍمعاديه=وكل طمع يبغى الخصوم ايهزمها
حصل الطراد وصار بالقوم تشويه=ثم انجلا الدم الحمر عن لحمها
وطاحوا رجال ٍ بالمواقف مواجيه=وبان الجريح وعودوا في حطمها
كم فارس بالكون قطعت علابيه=وكم سابق ٍ قامت تخطف نسمها
عادات بدو ٍ كل خصم ٍ اتلافيه =تنشر دماها باللقا إلـشيمها
مدهالة الضيفان والجار تحميه =وعاداتهم مبطي عريق ٍ قدمها
مزبانة المضيوم والضيف تقريه=واجموعهم بالكون محد ٍ قسمها
أهل الجمايل والحمايل اتراعيه=وعلى النسب والطيب ربي خرمها
وياجاك متعطي بيومه اتعطيه=واللي يقصر من ضميره خصمها
وراع اللواز م بالمواقف اتبديه=كل ٍ يبادر والثمينه كصمها
وحيدهم ملزوم للي ايخاويه=يارافق السفار صار يخدمها
ونفسه ليا بانت مواقف اتعديه=دون الشرف والبنعمه مارحمها
يمشي على نية سليمه وتوجيه=ويجت زينه فالمجالس دعمها
حق الوفا والعرف والطيب يعطيه=ويدري الخواطر باللغا مازرمها
اهل البيوت البينات المنابيه=بيبانها للضيف محد ٍ وصمها
ونجر ٍ بها بالصوت يسمع مناديه=وادلال صفر بالوزيزة دحمها
الكيف فيها للمسير ايقهويه=بن ومعاه الهيل يطرد ظرمها
البدو عز ومكرميّه وتنزيه=ولاشك مارب الخلايق حرمها
مسكانهم ربي من الوسم يسقيه= من مزنة ٍ غرا عليهم خرمها
وسحب ٍ تساقى بين سهله وودايه=تسقي مراها ثم تسقي وخمها
وتخضر منازيله وتنبت مفاليه=قطيطها مع هضبها مع تهمها
وتزرع به الاعشاب والقطر مرويه=نوارها يشدى بياضة رخمها
ترعى به القطعان والرمي حاميه=لين المواشي ماتحمّل شحمها
وتقاصرت فيه الربوع المواجيه=في فترة المرباع محلا زعمها
هذا يمد وصاحب ٍ له يباريه=وهذاك ذوده بالمراتع نهمها
ووردوا على عدّ طويله مداليه=وكل ٍ ابفرزة لين يقبل عتمها
قرط الدلي مع جمة الطي توحيه=والكل ذوده يم حوضه زهمها
الباديه للي عشقها اتسليه=وا زين ممشاها وزينة نغمها
ولا زال مجد الباديه نفتخر فيه=موارث ٍ محد استطاع ايهدمها
ولاشك من يفخر ابجدّه وماضيه=من واجبه بالطيب يرفع علمها
ياعاد مالك بينّ ٍ تستتر فيه=ماينفعك جود الجدود وكرمها
وصلاة ربي في كلام ٍ امبدّيه=على النبي انقولها وانختمها

للشاعر / سعــد بن مقبــل بن عيسى الحريري العنزي

[متعب المضعان]

المسيكي

فهد


صح ذوقك وصح انتقائك


وصح السان الشاعر

سعد الحريري


وبيض الله وجهك على نقل هذه الرائعه

ولاهنت ...


اخوك


متعب المضعان

[المسيكي]

حياك الله اخوي متعب


وتسلم على المرور


ولاهنت يالقرم

[علي الرماحي]

تسلم اخوي المسيكي
على الأختيار الرائع

لاهنت وصح السان شاعرها