وش نقــول ؟؟

[المسيكي]

االسلام عليكم ورحمة الله ،،،
وكل عام وانتم بخير ،، نسال الله العلي القدير ان يبلغنا رمضان ويعيننا على صيامه وقيامه في بلاد المسلمين جميعاً



أكيد انكم كلكم شفتم حادثة نفق النهضة اللي بالرياض والسلق الأربعة اللي اعتدوا على البنات ،،
لاشك انها جديده هالسالفه على كجتمعنا ،، ولاتستغرب هالحادثه لو حدثت قديما او جديد ،، لانه لولا الخوف من العقاب كما قال ابن عبار ساروا بالشارع ملطان ،،

لكن استغرب ماسمعته انه حدث هذا امام الناس وانا لااصدق هذا واتمنى انه مهو صحيح ،، مهو معقوله انه قدام خلق الله ،، وين النخوه والشهامه والغيره
مات بقلوب الناس ؟؟ معقول يرون ماحدث ويتفرجون......
صاروا مثل البل اللي تشوش بالرجال الغريب ...

لن اطيل عليكم واترككم مع هذه القصيده اعبر بها عما حدث ....

السلام وثم من بعد السلام =نلفظ المنطوق من نبع الصميم
وش نقول وكيف نبدا بالكلام =حاير ٍ ياناس في فعل ٍعظيم
وش حصل بالناس قولوا وش علام؟ =تهتك الاعراض من واحد لئيم
كلنا نشوف لكن كالنعام=وقبلها ماصار في وقت ٍ قديم
وش تغير ليه قل الاهتمام = والتهاون بالبنيّ وبالحريم
وش حدا السربوت ملعون الرسام = السقيطه صاحب الفعل الوخيم
كيف ملعون الجدف سوا الحرام = ولا يسوي مثلها عقل ٍ سليم
لاحيا لا دين لا حتى احترام = سافل ٍ لاشك من غيره عديم
ولا نلومه لو بدينا بالملام =وش نسوي بواحد ٍ مثل الرجيم
لومنا ياناس واضح بالمقام =. لمن تفرج بينهم مثل البهيم
ياحسافه كيف صارت للحطام = وضعنا مقلوب كنا في جحيم
اسمعوني وافهموا مني الكلام =كلمتين ولابهـــا شيّ ٍ جريم
الجمل لاصار في خيط وخزام = الهدير يصير رغي ٍ في رزيم
والفصل مذكور في حد الحسام = لاتكثّر بين سين وبين جيم
المرض إن قام يبدا في سقام =ابتر التلفان والعضو السقيم
والاخيره كان تبغا للسلام = لايصير الذود في حد الخصيم
لازم ٍ يكون ذودك بالتمام =شوف عينك وانت حوله مستديم
وان تركته قل عليه السلام = تستهين وثم تذهب في ضريم
ودام مايوجعك قلبك ثم تنام =اخس وخسرت يالعقل العقيم
تم قولي فيه حكمه واحتكام = ولا يحله كود رجال ٍ فهيم

فهد المسيكي

واعذرونا عن القصور،، دوبي كتبتها...........

[مصلح النشمي]

.



ما اجمل ان اتشرف بالحضور قبل الكل


رائعة من روائع المسيكي

المبدع كعادته


صح لسااانك مليووووون يالغاالي


واي والله انهم سرابيت و......................حسبنا الله ونعم الوكيل


كفيت وفيت يافهد


لاشلت يمينك ولافض فووووك



تحياتي لك

[صالح العرجان]

ما تجي بقصور يا ابو عبدالعزيز


وهذا عوايد الرجال اللي تحتمي من دون اعراضها


كذا والا بلاش من الحميه



صح لسانك


اخوك صالح الفدعاني

[المسيكي]

يشرفني ان يكون مصلح النشمي


اول الحاضرين


صح بدنك يالقرم

ولاهنت على المرور


تقبل اجمل تحية

.................................................. ...................

اخوي صالح الفدعاني


صح بدنك ولاهنت يالذيب

يشرفني مرورك وطيب منطقك

تسلم يالقرم

[حمود نايف الهذيل]

صح لسانك يا المسيكي

اصيل وهذه غيرة الرجال

اولا انا والله ما دريت الا منك,,,,,,,,,,,,,,,, لكن هؤلا حيوانات شهوه بلا عقل ...............
واشكرك على هذه الرايئعه

[صالح الضويحي]

وش حصل بالناس قولوا وش علام؟
تهتك الاعراض مـن واحـد لئيـم

كلنـا نـشـوف لـكـن كالنـعـام
وقبلها ماصـار فـي وقـت ٍ قديـم

وش تغيـر ليـه قـل الاهتـمـام
والتهـاون بالبـنـيّ وبالحـريـم

وش حدا السربوت ملعون الرسـام
السقيطه صاحـب الفعـل الوخيـم

كيف ملعون الجدف سـوا الحـرام
ولا يسـوي مثلهـا عقـل ٍ سليـم

لاحيـا لا ديـن لا حتـى احتـرام
سافل ٍ لاشـك مـن غيـره عديـم

ولا نلومـه لـو بدينـا بالـمـلام
وش نسوي بواحد ٍ مثـل الرجيـم

لومنـا يانـاس واضـح بالمـقـام
. لمن تفرج بينهـم مثـل البهيـم

ياحسافـه كيـف صـارت للحطـام
وضعنا مقلـوب كنـا فـي جحيـم

المسيكي

مرحبااااااا بك

وكل عام وأنت بخير

حضور راقي ومشاعر شامخه وقصيدة تستحق التصفيق

كيف ملعون الجدف سـوا الحـرام
ولا يسـوي مثلهـا عقـل ٍ سليـم

لكل قاعدة شواذ وتلك فئة لايقاس عليها فهي منكرة دينيا وانسانيا

رائع الشعر عندما يتحدث في قضايا المجتمع وهنا يعيد دوره الاعلامي
الذي كاد ان يفقده في ظل عولمة الاعلام ولكنه الشعر وسيبقى منبرا مؤثرا

صح لساااااااانك على هذه المشاركة الرائعه


فائق الاحترام والتقدير

[محمد المقبل]

صح لسانك أخوي المسيكي

اصيل وهذه غيرة الرجال

هؤلا أمثال حيوانات بلا عقول

ماقصرت بهذه المعزوف الحماسيه الرائعه

لك مني كل الشكر والتقدير