بفتخر في عزوتي (المعمر والنعم كل ٍ يقوله) - °~*¤®§(§ شبـــكة ويــلان العـربـيـه §)§®¤*~ˆ°

**الحوراء بنت نجد** · 23/09/13, (01:38 AM)

لانزكي انفسنا على احد ولكن الفخر حق مشروع

افخر بأسرتي وقبيلتي دون قصور بكل الأسر والقبائل

المنتمية لها عذرآ لمشاعر وفاء وانتماء لأسرتي الكريمه

ياحروف الشعر وجزال المثايل=اقربي والشعر اله صـــوله وجوله
بفتخر في عزوتي والراس طايل=المعمر والنعم كــــــــــــلٍ يقــــوله
المعمر من تميم اهـــــــــــل الفعايل=اهل اماره واهل علم وراس طوله
عن سنام المجــــــد مانــــقبل بدايل=من تميم العــز والعـــــــليا ذلـــــوله
يشهد التاريخ بــــــثبات ودلايـــل=عن مسيرة مجد تكسيه البطوله
الكرم والسيف والخيل الاصايل=والمبادي والعوايد والـــــــــرجوله
المعــــــمر فعلهم للعقل هــــــايل=وكل عينن ناظرت فيهم خجـــوله
تاج راسي مجد وعصور و سلايل=شجرةٍ غيث السماء تسبق هـــطوله
ساسها ثابت من ايام الاوايـــــل=وفرعها من طولها ما احدٍ يطوله
لويطول الوصف تزداد الخصايل=والجمال اللي تغني بــــــــه فصوله
سيرةٍ تحكي فخـــــر والشك زايل=نشكر الله والشهاده من رسوله

الحوراء بنت نجد (س > آل معمر ) 1434 هــ

**سليمان الجعفري** · 23/09/13, (04:55 AM)

الاخت الكريمه / الحوراء ( بنت نجد )
قصيده جميله ورااائعه من شاعرة متمكنه ومتميزة
مليااار نعم بال معمر دون اي قصور بالقبائل الاخرى
من حقك الافتخار بمافعله الرجااال الاشاوس من قبيلتك
تحياااتي لك

**ابراهيم السلمي** · 26/09/13, (03:11 PM)

والنعم في اسرة المعمر وتميم كلها

صح لسانك يابنت نجد

**الحوراء بنت نجد** · 26/09/13, (10:46 PM)

سليمان الجعفري

ماعليك زود اشكر لك هذه المداخله

الرائعه التي اسعدتني

لك تقديري

**ابو غريب العبدلي** · 28/09/13, (02:03 PM)

شاعرة رائعه ومميزة ونعم مليار ولاقصور بأحد ابدعتي

**حمد الضوّي** · 02/10/13, (06:02 AM)

الشاعره القديره / الحوراء بنت نجد
قصيده رااائعه من شاعرة ومتميزة
والف نعم بآل معمر ومن حقك الافتخار بفعل
الرجااال الأفذاذ من قبيلتك

تحياااتي لك

**الحوراء بنت نجد** · 14/11/13, (01:55 PM)

ابراهيم السلمي

ماعليك زود الف شكر للمتابعه

لك تقديري

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري