لا صرت مقفي جمّل الله حالك

[عبدالرحمن الجابري الحربي]

السلام عليكم ورحمة الله وبركاته

طابت أوقاتكم بالمسرات

وكل عام والجميع بألف خير

أبيات مُـهداة إلى الغالي / خالد الجهني

وهي مداعبة شاعر على موقف ،، ولا أبو راشد معذور وعزيز ووافي

كل شيء بالدنيا ترى ممكن يصير=دام القريّب قال مالي ومالك
بعض القرايب قربته لك مخاسير=وأغلى الحبايب ما يقدر دلالك
يا صاحبي الهجر ما ياتي بخير=بالذات لو خلّك تعنّى وجالك
الناس من حولي تعايد طوابير=وانت بعيدي ما لقيت اتصالك
وشلون تنسى صاحبـ(ن) صحبته غير=عشرة سنينـ(ن) ماضياتـ(ن) وفالك
لا صرت حامل لك معزّة وتقدير=صون المعزّة لا تمنّ بوصالك
ما كل فعلـ(ن) منك يحتاج تبرير=كل شيء يا خالد فداك وحلالك
إلا الكرامة دونها رقابنا تطير=نارد بسبّتها حروب ومهالك
هي راس مال أهل الشرف والمناعير=ما دمت مقفي جمّل الله حالك
روّح ولا لك يا ابن الأجواد تاثير=نلقى ترى مليون شخصـ(ن) بدالك

باقة شكر لكل من مر هنا

[ابو غريب العبدلي]

الله الله عليك يالحربي صح الله لسانك يالعزيز ونعم فيك وبربعك والله

اخوك ابوغريب العبدلي

[ابراهيم السلمي]

صح لسانك ياشبل الحرووب

قصيده راااائعه وجزله

دمت بكل الود

محبك


ابراهيم السلمي

[محمد دعسان]

ياالجابري
والله انك مطنوخ

يازين بوحك الراقي


تقبل مروري



الله يرعاك

[حمد الضوّي]

الشاعر القدير

عبدالرحمن الجابري

صح لسانك مبدع دائما ً
ونعم فيك وفي خالد الجهني وما اجمل المداعبه بين الأصدقاء
وهذا من طيب ذاتك وطيب رفيقك ادام الله المحبه والتواصل بينكم





انقى تحيه

[هندي المقبل]

في كل مره تحضر ياعبدالرحمن يزيد اعجابي بشاعريتك

صح لسانك ولله درك على هذه الابيات الجميله

ارجوا تقبل اعجابي المتواضع

[سعد النفج]

شاعرنا الراقي ..
صح لسانك و ابيات رائعه و راقت لك استاذي ..
صادق بكل بيت كتبته هنا ..
دمت بخير يا نقي ..