& ياقارِئِينـي وِاِسْمـعـوا للحكـايـا & - °~*¤®§(§ شبـــكة ويــلان العـربـيـه §)§®¤*~ˆ°

**الحوراء بنت نجد** · 07/10/12, (11:59 PM)

علها تجد القبول بلونها ومعانيها وكما أتت 0

ياقارِئِينـي وِاِسْمـعـوا للحكـايـا

أحزان راح العمْـر والله وحِرْمـان=ياقارِئِينـي وِاِسْمـعـوا للحكـايـا
في وجْهي تْبيّنْ علامـات الاحْـزان=وفْرسْم نبْضي لاحكى عـنْ خفايا
وأغلا الامانـي برْقها مابعـدْ بـان=للحين مازانتْ ثُعوله سِمايا
أرْقُبْ جِواب ٍ علّ يِطْفي للاشجـان=ويْريّحْ الخفّاق وسْط الحنايا
يالحظّ مالك ؟ لِي متى وانْت غفْيان=تِكْفى رِجيتك قُـوم شِـدّ المِطايـا
اسْرجْ خيولك واسْق حوراك هتّان=واوْهِبْني اللي له عروقـي ظمايـا
غال المُنى واحلام حرّه لهـا شـان=مِتْنوّفـه مابيـن كــلّ الصّبـايـا
مهْره ونالتْ كـلّ صـولات مِيـدان=ذمّـتْ مِسـارات الـرّدا والخطايـا
وِضْح النّقا لها مِبادي وعِنـوان=ودِسْتورها صِـدْق الوِفـا والنّوايـا
لها مِسار ٍ قِدْ مشوا فيه جِـدان=درْبي وممشايا لحـزّة فنـايـا
مامِيل عنْه وربّ موسـى وعِمـران=لنّـه سـرا فالعِـرْق وِيّـا دِمايـا
يالحظّ وايّامـي تعنْـونْ بحِرْمـان=في جـاه ربّـي قُـوم لـبّ لْنِدايـا

الحوراء بنت نجد 1433هــ الرياض

**منصور الرويلي** · 08/10/12, (01:14 AM)

حي الله نوف

مرحبا يابنت الشيوخ

بين ضيافة الويلان

أهل الشعـر والمواجيب

أطلالة أولى اكثر من رائعة

ونص جميل يحمل بصمة الحوراء

صح فكرك وأحساسك

ودي و تقديري

**الحوراء بنت نجد** · 08/10/12, (02:05 AM)

هلا شاعرنا منصور الرويلي اسعدني حضورك

واشكر لك رقي مشاعرك ولكن هذه ليست الاطلاله

الأولى في هذه الشبكة الرائعه أنا مشاركه بالعديد

من المشاركات0 اشكرك شاعرنا لرقي حضورك

**حمد الضوّي** · 08/10/12, (01:16 PM)

الشاعره القديره

الحوراء بنت نجد

صح لسانك مدد بلا عدد أبدعتي وليس غريب عليك ذلك
فأنتي من يصنع الإبداع

انقى تحيه

**هندي المقبل** · 08/10/12, (11:27 PM)

الشاعره والاديبه النقيه : الحوارء بنت نجد
لله درك على هذه الحروف النقيه التي استطعتي بها رسم اجمل لوحه شعريه كالعاده

صح لسانك وشكرا لك على هذا الابداع الذي يقوم للأمتاع حتى الثماله

كل الود

**سليمان مفضي العنزي** · 10/10/12, (07:31 PM)

الشاعره والاديبه / الحوراء بنت نجد
اتشرف وافخر بمروري على هذه القصيده التي استمتعت بها ..

شكرا لك شاعرتنا القديره على هذا الابداع اللغير مستغرب والحضور المميز ..

حضوري هنا بعد ان استمتعت بهذا النص هو لتسجيل اعجابي فأرجوا تقبله

**تركي علي الخالدي** · 11/10/12, (01:34 PM)

الاخت القديره والشاعره الجميله : الحوراء بنت نجد

صح لسانك على هذه القصيده التي اتسمت بطابع خاص لايجيده غيرك

اسجل اعجابي واقف احتراما لك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري