برنامج حافز

[ابراهيم السلمي]

السلام عليكم ورحمة الله وبركاته

اهنئ قبائل ويلان كافة بالعيد السعيد وكل عام وانتم بخير

متواضعه عن برنامج حافز كلي امل ان تحوز على رضى الجميع

من حافز البارح وصلني رساله=مضمونها حدث بياناتك الحين
سجل دخولك كل لاله ولاله=واحذر ترى نخصم من الفين ميتين
ياحافز شروطك تراها نذاله=ذليت فيها الشعب من شان الالفين
باقي تزيد شروط شرط الكفاله=والختم والتوقيع مع بصمة العين
سويت في ذا الشعب حاله وحاله=ما كنهم يا حافز الا مجانين
تلقى الولد في بيت ابوه وخواله=ينشد عن اخبارك ويقراالعناوين
في صفحة الموقع يشوف الاحاله=كمل بياناته وينظر لبعدين
والبنت مشغوله وفي كل صاله=اشغلتها عن بيتها والمواعين
تقول يمه حافز ارسل رساله=باروح يم البنك يمه وذالحين
افتح لي حساب وبليا وكاله=واحط لي رقم وعنه ما تدرين
والشايب اللي راح حاله وماله=طمعان بالالفين بيسدد الدين
باتلى الشهر تلقاه حاجز عياله=ويصيح في بنته يقل حافزك وين
يالعنبو حافز غناه وريااله=ويالعنبو من حدنا فوقه سنين
نبغى حلول عاجله للبطاله=تفتح وظايف في جميع الميادين
والا ترى حافز وفكرة مجاله=خلا جميع الشعب مثل المجانين

وسلامة الجميع

محبكم

ابراهيم السلمي

[محمد الأميلس]

صــــــــــــــــح لسانكـــ وعلا شأنكـــ يالشاعر أبراهيم ...... تقديــــــــــــــري ،،،،،

[حمد الضوّي]

ابراهيم السلمي

صح لسانك وإعتلى شانك قصيده تتحدث
عن موضوع إجتماعي بارك الله فيك



تحايا

[هندي المقبل]

الشاعر القدير ابراهيم السلمي

ياهلا بك وكل عام وانت بخير وصحه وسلامه

قصيده جميله تحدث عن موضوع عمل انتفاضه لكل فئات الشعب بسبب تصرفات المسؤلين عنه مما افقده هدفه واصبح اهانه وليس اعانه

صح لسانك على هذه القصيده الجميله

تقبل اعجابي

[خلف الغريب]

يا سلام عليك يا مبدع
تشخيص دقيق للحالة في قالب لذيذ

رائع ياابراهيم ولله درك

[بدرفهد الجعفري]

الشاعر القدير ابراهيم السلمي

وانت بخير وصحه وسلامه

صح لسانك على هذه القصيده المميزه بكل شيئ

تناولت فيها موضوع هام جدا اصبح هو حديث الساعه لدرجة انه تم تداول هذه القصيده برابطها عبر الوتساب والبلاك بيري فقد دخلت للمنتدى بعد وصول هذه رابط القصيده من شخص لايعرف بالمنتدى

مبدع يا ابراهيم وشكرا لك

[سليمان الجعفري]

يـاحـافـز شـروطــك تـراهــا نـذالــه
،،،،،،،،،،،،،،، ذليت فيها الشعب من شان الالفين
باقـي تزيـد شـروط شــرط الكفـالـه
،،،،،،،،،،،،،،، والختم والتوقيع مع بصمـة العيـن
سويت في ذا الشعـب حالـه وحالـه
،،،،،،،،،،،،،،، مــا كنـهـم يــا حـافــز الا مجـانـيـن

الاخ / ابراهيم السلمي
كل عااام وانت في تمام الصحة والعافيه ان شاء الله
صح لسااانك ملايين على هذه القصيدة التي تحاكي مشاكل حافز
تحياتي لك