مكشات الربيـــع - °~*¤®§(§ شبـــكة ويــلان العـربـيـه §)§®¤*~ˆ°

**طالب الونيس** · 03/03/12, (07:15 AM)

قرئت هذه الابيات للاخ الشاعر لافي مسند حفظه الله
وجاريته بهالابيات ويليكم القصيدتين
قال لافــــي

وين انت يالي ترغب البر بالحيل=نبغاء انتخاوى يم خضر الفياضي
شوفي بعيني يوم جتها الهماليل=كم روضت(ن) خضراء بها السيل فاضي
مشيته برجلي ماهو قايلاً قيل=العشب وجهه فوق والبرق ياضي
خزنتها بالقارمن للمقابيل=عن الضياع اليا نوينا انتفاضي
اليوم هذا واقتها يارجاجيل=مافيه برد ولابدن الرماضي
جيبو الجيوب وحملو فوقها الشيل=الفرش والخيمه وكل الغراضي
يمشن جدي واظهورنا يمّة السهيل=والغرب هو واشرق بالاعتراضي
يازين منزلكم قبل حزّة الليل=في موقع(ن) غطاء الخضار البياضي
لوكان عادات السفر البهاذيل=كلاً مثل ماقيل مبسوط راضي 0

-----------------------
قال طالب الونيس

بالـمـنـتـدى قريـت قـــاف و تـمـاثيـل=وجاريت ببيوتا بها الفـكـر هاضـــــــي
هـيضـتنـي يـالــي تـفـنـنـت بـالـقـيـل=لشوف الربيـع ومـزهــرات الفياضــــي
وحمّلت غرضـــان السفر والمــعـامـيـل=وماياخذه ناو الســفر مــن مـقــاضـــي
ونـويـت لــي دربـا لـعـلــه تـسـاهـيـل=نبي ديارا يـمـها البرق ناضـــــــــــــي
واليوم يذكـر يـمـهـا البـرق والسـيـل=صارن بها الغدران مثل الحياضـــــــي
قـفـراً لــه الـبـدوان تـنـو الـمـحـاويــل=ون طـبها الحـوال فك الشــضـاضـــي
يـابــو عـطــالله ياخــيـــار الـرجـاجــيـل=عطني خـبـر كاانـت يالـقــرم فـاضــي
حنا نـروح لشـرق وانـتـم تـشــــامـيــل=نـبي الربـيـع اللي شمـال الـريـاضــي
بطـويق والطـوقي وهاك الـمـداهــــيـل=عـقـب الـمـحـل ربـي لها اليوم عاضـي
شـوف ام ســالـم فـيـه تـعـزف مـواويـل=الى نكسـت جـنـحـانـهـا بـنـخـفـاضــي
وليلة ســمـر مـابـيــن ذكـــــراوتـهـلـيـل=وســوالـف الاخـيـار حــــاضـر ومـاضــي
ســــاعة صفى تسوى كثير المحاصيل=تـســوى حـياة مـســعريـن الاراضــي
شـفـي بـخـوة مـثـلـكـم يـالـمشـاكيـل=ولالـي على من تـعـزمـون اعـتـراضــي

**محمد المالكي** · 03/03/12, (07:02 PM)

نورًا على نور .... اخذنا شوقًا الشاعر / لافي مسند لاجواء البراري , وآنت اكملت مسيرة هذا الشوق بشاعريتك الفذه ليصبح الشوق هيام .

صحّت الألسنه , والى الامام لمزيدًا من التألق .

**حمد الضوّي** · 03/03/12, (11:47 PM)

طالب الونيس

صح لسانك وإعتلى شانك
وصح لسان لافي مسند العنزي

صوت وصدى رائعين الف شكر على الإبداع
سلمتوا جميعا ً وبارك الله فيكم

أجمل تحيه

**بدرفهد الجعفري** · 04/03/12, (11:35 AM)

ابداع وابداع مستمر

الشاعر طالب الونيس جميله هذه المجاره ابدعت فيها بلا حدود

صح لسانك الي ان ترضى

**طالب الونيس** · 04/03/12, (09:55 PM)

الاخ بدر الجعفري
صح بدنك

**طالب الونيس** · 04/03/12, (09:58 PM)

الاخ حمد الضوي
صح بدنك ومشكور هلى التنسيق
الرايع

**طالب الونيس** · 04/03/12, (10:02 PM)

الاخ محمد المالكي صح بدنك
نور الله طريقك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري