دورنا وامتهانه

[سلامة الجعفري]

السلام عليكم ورحمة الله وبركاته مهما انقطعنا عنكم فمحلكم في الفؤاد وهذه قصيدة تشرفت بسماع الشاعر الرائع صالح السالم لها واعجابه بها ولثقتي بذائقته اضعها بين ايديكم وهي موجودة في الديوان المقروء

قـال الـذي شـاف البـلا مــن زمـانـه=اصبحـت والهوجـاس قلـبـي مكـانـه


الله يــحــل جــدودنـــا الــلـــي تـــــوارو=تـحـت الـثـرى كــل ٍ يـجـازى بشـانـه


تحت الثرى لاشك لـو قيـل عـودوا=وعـــادوا وشـافــوا دورنــــا وامـتـهـانـه


والله لـيـرجـون الـولــي مـــوت ثـانــي=ولاعيشـة فـي ظـل عـصـر اللعـانـه


صحيح هم كانو حـروب ومعـارك=لــكــن زمـنــهــم مـايــعــرف الـخـيـانــه


من قـال عاهدتـك وفـا فـي عهـوده=عــهـــد عـلــيــه الله وامــنـــه وامـــانـــه


نـيــة سلـيـمـة يـرســل الــرجــل بـنـتــه=مـــع ابـــن جـــاره مـايــدور ضـمـانــه


يمشون في وسـط الخـلا ولامراقـب=غيـر الـذي يخـشـون يــوم امتحـانـه


لــو تنـشـده عــن ثوبـهـا بـعـد يـرجـع=يـــظـــن مـــاهـــو جــــــازم ٍ بــوكــدانــه


الله يـاذاك الوقـت لــو كــان عشـتـه=رغـــــــم قـــســــاه وقــلــتـــه واحــفــيــانــه


انـــا اشـهــد انـــه يسـتـحـق الـمـدايــح=وتغلب مافيه من المساوي حسانه


لــكـــن قــســـم ربـــــي وكــــــل بــوقــتــه=وانـا احـمـده عـلـى الـطـرى والليـانـه


وقـت ياكثـر الخيـر بـه بـس يـتـرك=بـالـقـلـب هــوجــاس يــزلـــزل كـيــانــه


هـم كتمـتـه بـيـن الاضــلاع سـاكـن=ويـاكـبـرهـا بــيـــن الــرجـــال ابـديــانــه


صحيـح انـا لابـس ولابــي مجـاعـه=مـار الضميـر بجـرح يـارب اعـانـه


اصل السعـادة ماهـي بلبـس طيـب=ولاهـــي بـكـثــر الــمــال ولا افـقـدانــه


كــم مــن فقـيـر بخـيـر مـرتـاح بـالـه=وكم مـن غنـي مهمـوم فاقـد حنانـه


والـفـقـد فـقــد الــلــي تـشـاكـيـه هــمــك=الصـاحـب الـلـي مـثـل ســره عـلانـه


ماهـو صحيـب المصلحـة والقمـارة=الــلـــي لـيـاحـتـاجـك يـــزيـــن لــســانــه


حـتـى يحـصـل مـنـك عــوزه ويقـفـي=ولايستـحـي يمـكـن قـريـب ارجعـانـه


مـــرة ومـــرة عـنــده الـوضــع عـــادي=كـنــه عـلـيـك آخـــذ جـمـيـع الـمـيـانـه


واكـبــر بـلـيـة شـفـتـهـا فــــي زمــانــي=نـــاس ٍ يـحـسـبـون الـتـحـيـل ذهــانــه


وعــوايــد الـعـربــان مــاهــي تـهـمـهــم=وقلوبـهـم مــن دون خـــوف وديـانــه


يـاوقــت فـــي بـالــي عــلــوم طـويـلــه=لـكــن وش المـنـتـوج غـيــر الادانـــه


والـهــرج دام الـوضــع مــابــه تـغـيــر=ماغير فيه الشخص يحرق جنانه


وانا لي اسباب ٍ على القول تدعي=الــــلـــــوم يــــمـــــي مـــايـــقـــدم بـــيـــانـــه


شاعـر ولـي شعـور والـنـاس مثـلـي=اشــبــاه بــســرور الــزمـــان وحــزانـــه


الـيـا قـلـت كلـمـه جاوبتهاالمـشـاعـر=كـم شخـص يحسبنـي انـا ترجمانـه


قصايدي باحساسـي وحـس غيـري=احـرق فتـيـل الفـكـر وانـظـم جمـانـه


يــامــا جـرىمـوقــف ويــامـــا رسـمــتــه=مـن عالـم التخييـل ضبـط اقيسـانـه


لـكــن وكـثــر الـقــول مـااحــدٍ يـحـبــه=ابـاخـتــم بـكـلـمـة مــثـــل فــيـــه بــانـــه


الـيـا غــدت مابـيـن شـــارب ولـحـيـه=مـغـبـوط مـــن بـالـعـمـر زاد افـتـتـانـه

وسلامتكم

[سراب نجد]

سلامه الجعفري صح السانك

على هذه الشامخه والمعبره ... أخي سلامه أن اللي تعانيه غيرك يعانيه كثير من هذا المجتمع

لكن تجر الرياح بمالا تشتهي أسفن ... صحيح ماذكرته عن الأولين الله يرحمهم فرق كثير

وشاسع عن جيران وقرابة هالوقت ..و في وقتنا الحاضر مايجيك الشر غير من الجار ولا القريب

لك مني جزيل الشكر والتقديرعلى هالرائعه بيض الله وجهك

أخوك/ سراب نجد

[خلف الغريب]

ماهو صحيب المصلحة والقمـارة
اللي لياحتاجـك يزيـن لسانـه


حتى يحصل منك عـوزه ويقفـي
ولايستحي يمكن قريب ارجعانـه


مرة ومرة عنده الوضـع عـادي
كنه عليك آخـذ جميـع الميانـه


صح لسانك سلامة ودايما مجمل وجزل يا الغالي

تقبل تحياتي ومروري المتواضع

[حمد الضوّي]

الله يحل جدودنـا اللـي تـوارو=تحت الثرى كل ٍ يجـازى بشانـه
تحت الثرى لاشك لو قيل عـودوا=وعادوا وشافوا دورنا وامتهانـه
والله ليرجون الولي مـوت ثانـي=ولاعيشة في ظل عصر اللعانـه
صحيح هم كانو حروب ومعـارك=لكن زمنهـم مايعـرف الخيانـه
من قال عاهدتك وفا في عهـوده=عهد عليـه الله وامنـه وامانـه
نية سليمة يرسل الرجـل بنتـه=مع ابن جاره مايـدور ضمانـه

سلامه الجعفري

صح لسانك وإعتلى شانك
ولو قارنا بين هذا الزمن والزمن الماضي
لوجدنا فرق ٍ شاسع مثل ماذكرت بهذه القصيده
الأكثر من رائعه الله يصلح الأحوال ويصلح النيات
شكرا ً على هذه الشامخه

مع أجمل التحايا

[هندي المقبل]

ياهلا ومرحبا بشاعرنا القدير سلامه الجعفري

جديد او قديم فكل شعرا تكتبه جزيل

صح لسانك تقبل اعجابي

[صالح الأسود الجعفري]

وعليكم السلام ورحمة الله وبركاته

سلامه الجعفري

صح السانك نص شاااامخ
دمت بخير

[سالم صالح]

الراقي والمميز الاخ العزيز / سلامة الجعفري

صح السانك حكم رائعة وكلمات مفيدة وياكثر مابهالدنيا تغيرات ولكن التغير الحقيقي في الانسان وانجرافه خلف المادة والمصلحة التي غيرت مبادىء كثيرة ولكن الرجل الحقيقي هو الذي يتمسك باساسياته التي لايساوم عليها ,,,,,,


لله درك ياسلامة ودائما وانت مجمل فانت شاعر جزل وتكتب باحساس راقي

تقبل اعجابي وتقديري وننتظر المزيد من ابداعاتك