((أول الغيث برد))

[نايف سعد الخمعلي]

أسعدالله جميع اوقاتكم بكل خير
قبل فترة وحين رحم الله الرياض فامطرت سمائها وكانت استهلالت السحب برد(ثلج)حينها كنا قد علمنا بسلامة والدالجميع وننتظر قدومه
فارتجلت هذه الابيات المتواضعه والتي اضعها الان بين ايديكم

نحمدالله غيوم الحزن عنا تجلت=يوم بشر سماها كل محزون يطرب
حي منشي الغيوم المزن يوم استهلت =ثلجٍ اطهر واصفى منه مافيه واعذب
كنها الا يتيمه من عنا الوقت ملت=كل ماجت تبي تفرح تزيد وتعذب
يوم ضاقت بها والناس عنها تخلت =بشرتها اختها رجع ابونا وطيب
فزت ومن فرحها دمعت العين فلت= ومشها في يمين علها ماتعذب
الله الي امرها رحبت بك وهلت=بك تراحيب الامطار وهتف لك مرحب
اليمامه تبسم فرحةٍ واسفهلت=في شفاك وطرب من جيتك يابو متعب
يشهدالله حين غيابك العين هلت= من دموعٍ عزيزة صدق ماهي بتكذب
قلبي ينبض غلاك وبه عروقي تملت=وكن دمي بجسمي للورق حبريسكب
جيتك غيمةٍ جزله على الشعب طلت=كل محزون يفرح كل عطشان يشرب
والنفوس الحقوده خابت وثم ذلت=كلنا واقفيت وفي يد الحق نضرب
دامك الله واخزى الي عن الحق ضلت=ضدهم ضدهم نستنكر ايضا ونشجب
ياملكنا من يعاديك يمناه شلت=يتعب الي يبا يعاديك يخسا ويتعب
وياوطن دام عزك والجزيرة تحلت=في ثيابٍ من التقوى وعزٍ معرب

[هندي المقبل]

نايف سعد الخمعلي

ابدعت في الوصف الجميل

انت شاعر تملك مفرده متميزه بحق

لاتطيل الغياب علينا ... صح لسانك وشكرا لحضورك

[عبدالرحمن الجابري الحربي]

صح لسانك أخوي نايف ...

نص جميل ومفردة رائعة ..

[محمد دعسان]

الشاعر نايف سعد الخمعلي
صح السانك
تقبل مروري طال عمرك
دمت بحفظ الرحمن

[بدرفهد الجعفري]

دائما جزل يانايف

صح لسانك واهلا بعودتك الي بيتك الثاني

شرفتنا وامتعتنا

[البدر]

الشاعر نايف الخمعلي صح لسانك

وشعور شاعر جميل

لكن يابعد راسي ترى القافيه في عجز البيت مختلفه وشكرا لك

[صالح الأسود الجعفري]

نايف الخمعلي
صح السانك ع النص الرائع
دمت بخير