غريبة الدار
مرحبا ترحيبةٍ وافيه في كل حال
طيبها من عمها طيبها من خالها
كل ذيبٍ حد نابه بعد شاف الحلال
نيته وش حالها ساقها يبرالهـا
جائز
ياهلا بك ياهلا طنخةٍ تحمـل دلال
جودها من ساسها نادرٍ من طالها
والضواري لا لفت دونها هام التلال
ديرةٍ من بعدهـا لاتتـوهِ بجالهـا
غريبة الدار
البقى ياصاحبي والرشا فوق المحال= وردة البستان ياصاحبي من نالهـا
والضواري لافت بندقي تشعل شعال= لو مشيتو قدمهـا متضيـق بالهـا
جائز
يسعد اللي باللقا دوم منطوقه زلال
والبنادق والرمي فالنـا ولا فالهـا
هيه ياعين المها دون درقه او ظلال
شمس خدك باللقا دثّريها بشالهـا
غريبة الدار
قربكم يابعدكم من هواجيس الخيال
عارفه منزالكم والعـرب منزالهـا
دق قلبك يالمشقا على دقة كمـال
عارفه مخرجها عارفـه مدخالهـا
جائز
وش بلاهن كامشات العطا صفر الدلال؟
والخطايا وزرها في لحى مـن قالهـا
والبلا اني بدوي يجذبن حسن الجـلال
وش يمينه ياعربي لو تقولوا خالها ..
غريبة الدار
يمكن أنت عارفٍ بالسبب يبن الحلال
شرهة الشاره تجي من بخت جمالها
ياصقر حوران بالمنطقه عندك جبال
تنبسط في نصها والسعد باطوالهـا
جائز
دونهن عندي جبل هايلٍ فيه الظلال
وادري قلبك مشتهي ظلّنا لظلالها
ياعميل الملعبه يارديـفٍ للغـزال
الحلا واللين وإلا تحب غلالهـا
غريبة الدار
في مسويها اربعه وانت يدرك المثال
يالحبيب كلمت الشرك منهو قالهـا
ياعيال الدرب لعل مايبقـى عيـال
شامة العسيف يوم الرغى لعيالهـا
جائز
لا لا .. لا لا ماهي هي مايفيدك الجدال
والعلوم اللي تبي سيلنـا قـد زالهـا
لازم انتا يفهمون حتى لو تحكي نيبال
حبه حبه ياصديق وانت تلم امثالهـا
غريبة الدار
عاش منطوق العقل خاب منطوق الهبال
المجنـن لوتناصـح يزيـد اهبالـهـا
كمل السجـدة ولله منصـوص الكمـال
خزنتـك مـن دبروهـا ودار قفالهـا
جائز
الله أكبر من بنيه تلبس شمـاغ وعقـال
تقلط وحفّت شنبها كيف تنسى خمالها..؟
اركع اركع لوهومنت مشاذيٍ ركعة بـلال
والنفوس الطيبه تصبر علـى اهوالهـا
غريبة الدار
البنيه سيرتكم على الدرب العدال
كلبوكم خلفها ماتجـون قبالهـا
لوركعت ركع لربي بعزة وبتهال
ماركعت لواحدٍ حملته يشتالهـا
جائز
البنيه البنيـه لهـا قـدر وجـلال
الحمايل دونها تستميـت ارضالهـا
والثقل هيبه ويدبل قوانين السجـال
يرضي اللي جاهلٍ بالصفه وخصالها
غريبة الدار
سامعه في طيبكم ياكريمين السبال
لحية الشيخ العور طيبها باسبالها
ماسبقناكم بعد النجوم ولا الرمال
يوم عديتوا نجوم السماء ورمالها
جائز
هيا هيا للنزال دامنـا نصـر وهـلال
والمحاشي والنِبـال مانبـي طبّالهـا
اشبطيني واشبطك شرط تذوقين الوبال
وان طرحتي حضرتي هقوتك وش ليّها
غريبة الدار
والله انك صرت من تحت قوه واحتلال
حضرتك تأتيبهـا حضرتـك جدالهـا
ان شبطك شبطت السم شبطه وانفصال
شبطت اللي للنوايـب يفـل عقالهـا
جائز
صيدتي ياصيدتي أمشي وأرمي بالحبال
اخذ اللـي ابتغـي وللبقيـه حثالهـا
وش بلا الغرو الطري لا مشى كله ميال
لعنبـو مـن زوّده مخطـيٍ بهمالهـا
غريبة الدار
صيدتك يالشخ الاخطل ياحمال الثقال
انتبه منها تراهـا تطـش اثقالهـا
ياولد ماجابنا قصورعن مد ومنـال
والقضايا نعتبرها بلـون شكالهـا
جائز
أجل دامني كذا خوذي منـي بعتـدال
بعضٍ ممـا عندنـا ضبـةٍ لنعالهـا
يا حلو صبرك علي مابعد جاك العضال
حاول إنك تكتـرب لا تعاظـم هالهـا
غريبة الدار
احذر التقليد غر العمى ثمن يقال
بعض ماعندك هجوسٍ يلم انذالها
ياحليلك ياصبي العرب مالك مثال
يجهل التعبير عن قصةٍ وابطالها
جائز
ليه تزعل ثم تهجم وتجهل بالنِبال=مانصحتك يا بعدي عن متاهة جالها
جيتلك ناصح ولكن رضيت الاعتلالوالنفوس مكبّله في نتاج اعمالهـا
غريبة الدار
شيخه وابنت شيخ ماتشرب من طين الثمال
كـان جفـت طينهـا يندفـن بثمالـهـا
مازعلت وعارفه ضربت سيوف الصقـال
وان صح لنفسـك تراهـا رهينـة حالهـا
جائز
مانجيهم أهلكـي مـن يميـنٍ او شمـال
كود زول بدارنـا مـن السطـر آقفلهـا
وايه يعني وش يصير؟ ان دحمتك باحتلال
دولتـي لديرتـك قشمطـت معوالـهـا
غريبة الدار
ودي افهم ياصحيبي مضامين السـوال
لاتسنـى هرجـة الغافلـه وافضالهـا
مادحمت الا الكبير القوي وافي الخصال
غير كلمه من صفاها يلـوح خيالهـا
جائز
لو بالشعر منخلـه ماتفيـدك الامـال
شوف عيني هاويه من سبب منخالهـا
وان هززتك يالغصن يختلف حتى المقال
جاك علمٍ ناضجٍ ماهو خطـو هزالهـا
غريبة الدار
لو بالشعر منخله كـان حقـي فيـه عـال
مـار وجـه شوفتـك للعـرب وعبالهـا
وان هززة الغصن جاك الرطب والشك زال
ثـم كـب المنحلـه عـارفـه نحالـهـا
واشكر الشاعر القدير جائز وله مني جزيل الشكر
08/02/11, (04:15 AM)
محاورة بين غريبة الدار وجائز المليحان
رد: محاورة بين غريبة الدار وجائز المليحان
العرض العادي
