تناهـــــيد الروح

[نشمي العواجي]

يارايح(ن) للشمال سلًم على اهل الشمال = سلّم على ديرة الغالي الى الفيتها
قله ترى الحال مامن حال يابن الحلال = الكبد ذابت على بعدك وخليتها
لكنّ لحظه هذي هي والا خيال = بالله لاتنتظرني كان حاكيتها
ياهيه يمعذبي تعال يمي تعال = وقلي غصون الغلا وشفيك ماسقيتها
هلا بعمري هلا.. هلا ببنت الرجال = اللي ذبحني غلاها يوم حبيتها
ياروح روحي فداك وميت(ن) فالوصال = لو ان دونك اجبال طويق هديتها
ياروح روحي انا عن حر شمسك ظلال = ومحبتك بالضلوع العوج ذريتها
والله منساك لو هالوا على الرمال = لوجثتي فاللحد بللبن غطيتها
وش ينفعن لوبكيت دمع(ن)على الخد سال = قاتل وليفك وتبكي ليه سويتها
ماتدري اني معذب والجفا حيل طال = وامني نفسي فالجيه ولا جيتها
ان كان خايف علي من الاسدوالشبال = الروس لابينت بالسيف قصيتها
حنا سيوف اللقاء نقطع ايدينن طوال = من لابة المجد ماحنا من حتاويتها
العز ابنن لهم والقول مثل الفعال = وليا بغوا حاجتن تنشال من بيتها
غصبن عن اللي رضي واللي زعل فالقتال = ترضيه شلفات ربعي كان سليتها
لكن به شي واحد مايبيله جدال = مالي غنى عنك يالروح وتناهيتها
لاوالله الا خيال يرايحن للشمال = ياليت تسمع قصيدي آه ياليتها

وتقبلو اولى مشاركاتي في هذا المنتدى الغالي على قلوبنا
واتمنى انت تنال اعجابكم

نشمي العواجي

[بنت الكحيلا]

صح لسانك اخوي نشمي العواجي

والله يعطيك العافية على القصيدة الطيبه

بارك الله فيك

[نشمي العواجي]

المشاركة الأصلية كتبت بواسطة بنت الكحيلا

صح لسانك اخوي نشمي العواجي

والله يعطيك العافية على القصيدة الطيبه

بارك الله فيك

بنت الكحيلا اسعدني مرورك

[عبدالمحسن الجلوي]

كفوا والله وصح لسانك يالشاعر نشمي العواجي أبيات رائعة ....صح لسانك واعتلا شانك ... تحياتي ...

[احساس قلم]

صح لسانك استاذ نشمي
كلمات راقيه
ننتظر جديدك

[نشمي العواجي]

المشاركة الأصلية كتبت بواسطة عبدالمحسن الجلوي

كفوا والله وصح لسانك يالشاعر نشمي العواجي أبيات رائعة ....صح لسانك واعتلا شانك ... تحياتي ...

استاذي العزيز
عبدالمحسن

مرورك شرفني
وتسلم على اجمل الكلمات

[نشمي العواجي]

المشاركة الأصلية كتبت بواسطة احساس قلم

صح لسانك استاذ نشمي
كلمات راقيه
ننتظر جديدك

اختي احساس قلم

الارقي مرورك بمتصفحي
والجديد قادم بمشيئة الله