الطيش طير وباقي اوجاعي ./..الريش !!

[احساس قلم]

الطيش طير وباقي اوجاعي ./..الريش !!
والريش يهوي ..كل مارفرف الطير !!

والآآآه تطلع .. لاتنفست بـ(شويش)
وشلون لو انثر همومي على الغير..!!

اشتاقلك وادري تبي تقول: ( بعْد ايش )..!!
احتاجلك..واتعب من فراقك ../ اكثيير..!!

ياللي تطيش بعَقْل .... وتعقّل الطيش..!!
لا ترحل بأرضي .. وتـتركني آطير..!!

شفني.. اموت ان مر طاريك .. وآعيش
وآعيش .. ثم آموت .. والقاني بْخير ..!!

وراي بكرا ) مدرسه ( اسْهَرَك ليش !!
والى متى اوقف على شان ..) تأخـير ( ..!!

من علّمك .. تجمع محبه و .... تطنيش

ومن عـلّم ( الآغصان ) ..تجفى ( عصافير ) ..!!

الليل ماينـكر ... وجـود ( الخفافيش )..!!
والصبح يبقى صبح.. لو مات به ) طير ( ..!!

والعيش .. يومي ارتجي .. (لقمة العيش)
خبزة وصال .. وكُوب شوق .. وتعابير ..!!

عطني ( امل واحد ) .. يخليني .. آعيش
ولاتـخـنـقه يـدّك .. بِحبل المـعاذير ..!!

شفني .. بعد فرقاك .. آطيـح بشويش
واخاف تصدف طيحتي .. ( جية الغير )..!!

ماطحت وآنا عزمي.. اصـغر مـن الأيش !!
والحين طحت وللأسف .. عَـزمي ِ اكبير !!

ومن كثر مآنا ضعت ... / واعماني الطيش
إذا سألوني : ( كيفك ).. آجاوب ) بخير ( ..!!

[نافع عيد الجديد]

يعطيك العافيه على الاختيار الجميل
وصح لسان الشاعر
رعاك الله

[سعد بن هندي]

يعطيكِ العافيه احساس قلم
ابيات رائعه واختيار اروع

[مشهور الرشدان]

صح لسان شاعرها وسلمت يمينك احساس على هذا النقل الرائع
تقبلي مروري

[احساس قلم]

المشاركة الأصلية كتبت بواسطة نافع عيد الجديد

يعطيك العافيه على الاختيار الجميل
وصح لسان الشاعر
رعاك الله

الله يعافيك يابوعيد
وشكرا لمرورك الذي اسعدني
دمت بود

[احساس قلم]

المشاركة الأصلية كتبت بواسطة سعد بن هندي

يعطيكِ العافيه احساس قلم
ابيات رائعه واختيار اروع

الله يعافيك استاذ سعد
شكرا لمرورك الراقي
دمت بود دوما