قـــلبي لــيــا شــاف المزايـيين مــــراض....

[عبدالمحسن الجلوي]

قلبي ليا شاف المزايين ... مراض *** ان شاف خدرات النواعس مروضي

ان شفتهن ماني عن الشوف غضاض *** الا عــن الجارات دايــم غضوضي

بالليل شاق العين بــــرقا لــيــا ناض *** بعيد يوم انه تـــكاشــف ينـــوضــي

انشهد ان الـــبرق للـــنفس وعاض *** ويــحرك اللي مـــن همومه يجوضي

ياريم قــلبي منك يقرض بــمقراض *** قرض النخيل ان جــا جـــداد القروضي

ارجيك رجوى من سقط تحت الانقاض *** تحت الشــواهق يـــوم صارت نقوضي

قــام يـتشهــد يحسب ان العــمر فــاض *** وانـــجاه ربـــي يوم صارت خضوضي

وانشهد انــي منك ماني بـــمعتاض *** الا بـــرجا اللي للــــخساير يـــعوضــــي

ياطير ياللي فـــوق الاغـصان هياض *** سببت في قـــلب الــــمعنى رضـــوضـــي

لــــوا هــنيك بالـــجناحين نـــهاض*** تتركــــني الليلة وتتــــرك حـــضوضـــي

يابنت مــــن لــهم بالامجاد مــركاض *** اللـــي يقــضون الــــكتايــب قضــــوضــي

خيالـــهم ماهـو عن الـموت فــضاض*** مايــــنهــزم يـوم السبايا عـــــروضـــــــي

علــــى غــــلاك الــقلب شتاي قياض *** أنـــخاه وازرا لا يــــطيــق الــــنهوضــي

رحـــمتك ياربا للاســــلام فــــراض *** ياللي نـــصلي لك جــــميع الـــــفروضـــي


شعر عبدالمحسن الجلوي

[عبدالمحسن الجلوي]

اخواني سقط سهوا هذا البيت من القصيدة:

اللي سقتني خمر بابل بالالحاظ *** من يوم شفت الشدو فـــوق اللحوضي


وشكرا لـــكم الشاعر عبدالمحسن الجلوي

[طلال المطردي]

صح لسانك اخوي عبد المحسن الجلوي

قصيده مميزه ورائعه تدل على ابداعك في الشعر

تقبل تحياتي ،،
اخوك طلال المطردي

[محمد بن موسى]

الشاعر /
عبد المحسن الجلوي

صح السانك مدد بلا عدد

قصيدة رائعه اخي الكريم

وقافيه لايتقنها الا شاعر مبدع ومتمكن

واستغرب من طرحك لها في قسم المحاولات


دمت بود

[عبدالمحسن الجلوي]

طلال المطردي

محمد بن موسى



تشرفت بمروركم وشهادة اعتز بها الله يبارك بعمركم ان شاء الله....

[نايف نزال الهبداني]

صــــــــــ ح لـــسانـك وتسلم يمناك يالغاالي

[فهد السلقاوي]

عبد المحسن مبدع القصيده مو ذا منتداها موقعها منتدا الشعراء


بس لو تعدل الشطر ذا


قــام يـتشهــد يحسب ان العــمر فــاض

طويل ويسبب ضعف بالوزن يالغالي



دمت بووود


فهد السلقااااوي