حبيبي هاك قلبي {,,للمبدع ,, سداح العتيبي

[احساس قلم]

حبيبي هاك قلبي .. وأبحث اللي مشغـل ٍ بالـك=تصفّـح سيـرتـه .. وأكـشـف خفـايـاه وتفاصيـلـه
من الأرشيف شوف اللي ما شيف وحطّ معدالك=ولا تحـكـم عـلـى دمّـــه قـبــل تـقــرا تحالـيـلـه
تنقّـل بـيـن صفحـاتـه مــدام البـحـث يـحـلا لــك=وتابـع قصّتـه مـع كـل عاشـق قـام يـومـي لــه
صحـيـح أنّــه كبـيـر وكــلّ درب ٍ يآصـلـه سـالـك=لكـنّـه دون بـابـه حـــطّ لـــه .. لـفّــه وتحـويـلـه
علاقـاتـه كثـيـره مـيـر مــا جـاتـه مــن أمـثـالـك=تجيـه مـن الوهـم وأطـول علاقـه عمرهـا ليلـه !
دخلهـا مـن طـرف واحـد وصـار الوصـل متهـالـك=وطلـع منهـا قبـل تفشـي دموعـه سـرّ منديـلـه
وبعـد شمسـك بـدت تكبـر عليـه ويكبـر ظـلالـك=تعـدّل حـال طقسـه مـن غرامـك وأعتـدل ميـلـه
بـدت تلعـب هبـوبـك وألـتـوا عـقـدك بسلسـالـك=وصار اللي مـا بيـن العقـد والسلسـال يـا ويلـه !
دفـع دقّـات نبضـه كلهـا وأمسـت عـلـى جـالـك=وجلـس مـع عـزف دقـاتـه يغـنـي لــك مواويـلـه
رضـخ لـك ليـن صـرت اللـي تجـوّل فيـه بلحالـك=لـو أنّـه مـن قديـم الوقـت مـا تـشـرب فناجيـلـه
تـرفّـق بــه ولا تـرمــي عـلـيـه الـلــي يـورّالــك=بعيـد الشـك عـن بـذرة غــلاه وعــن محاصيـلـه
تحكّـم بـه علـى كيفـك بعـد مــا طــاب منـزالـك=علـى عرشـه ولا ترضـى علـى الحاكـم بتبديلـه
يحبّك والشعـور الحـيّ .. يحيـى لـه ويحيـى لـك=يعيـش الحـبّ لـو شـان الـزمـان وقـلّـت الحيـلـه
كـذا والبحـث جـاري وأنـت فـي حـلّـك وترحـالـك=تجـرّه مــع دروبــك لـيـن تـرجـع فــي مداهيـلـه
يقـولـون الـعـرب .. يــا حــبّ فــال الله ولا فـالـك=وأنا أقول الجفا بلوى .. ويـا فرقـا مـن أنتـي لـه

[أبو غرام]

الله الله الله

والله ذوق يا اخت احساس

عجزت انسخ بيت واحد فقط

كلها على بعضها حلوه وراااائعه

لله دره وصح بوحه

وسلمتي على جمال النقل

اخوك ابو احمد

[مازن الفهد]

الله على اخيارك .. و انا اتلهف لقصائد سداح .. برغم انه مجهول في بداياته و لا أحد يعرف عن سداح شي .. و مع مواصلة الابداعات .. اصبح الجمهور يبحث عن هوية سداح الحقيقيه .. و إلى الآن لا يعرف الجمهور سوى ( سداح العتيبي ) و لا أنسى بيتين للشاعر / سداح .. عندما أصر عليه الجمهور بمعرفة اسمه الحقيقي .. رد سداح /
.
أسمي اللي تعرفونه بين الأسماء المستعاره****ما أستعرته غير في نهج الدروب المستقيمه
كل ما جيت أكشفه وأرتاح صليت إستخاره****قلت خيره وأستعذت من الشياطين الرجيمه
.
و يكفي ان سداح من الهيلا .. هذا كفيل بمعرفة شخصية سداح ..
و مشكوره إحساس على هالدره اللي جبتيها لنا بهالبستان ..
.

[احساس قلم]

المشاركة الأصلية كتبت بواسطة جائز المليحان

الله الله الله

والله ذوق يا اخت احساس

عجزت انسخ بيت واحد فقط

كلها على بعضها حلوه وراااائعه

لله دره وصح بوحه

وسلمتي على جمال النقل

اخوك ابو احمد

اخي الكريم ابوغرام اسعدني مرورك
دمت بود

[احساس قلم]

المشاركة الأصلية كتبت بواسطة مازن الفهد

الله على اخيارك .. و انا اتلهف لقصائد سداح .. برغم انه مجهول في بداياته و لا أحد يعرف عن سداح شي .. و مع مواصلة الابداعات .. اصبح الجمهور يبحث عن هوية سداح الحقيقيه .. و إلى الآن لا يعرف الجمهور سوى ( سداح العتيبي ) و لا أنسى بيتين للشاعر / سداح .. عندما أصر عليه الجمهور بمعرفة اسمه الحقيقي .. رد سداح /
.
أسمي اللي تعرفونه بين الأسماء المستعاره****ما أستعرته غير في نهج الدروب المستقيمه
كل ما جيت أكشفه وأرتاح صليت إستخاره****قلت خيره وأستعذت من الشياطين الرجيمه
.
و يكفي ان سداح من الهيلا .. هذا كفيل بمعرفة شخصية سداح ..
و مشكوره إحساس على هالدره اللي جبتيها لنا بهالبستان ..
.

هلابك مازن
صراحة سداح شاعر رائع وانا معجبة بقصايدة
وادورها وجمعت منها كم قصيدة بس فيها قصيدة في شريطة اقرب جهاز
ادورها نصية مالقيتها
الي يقول انه مثل اليتيم الي ابوه مايدري عنه وعمته معذبته
انا موحافظة البيت
بس صراحة هالشاعر يعجبني
والي اعرفه انه (غنامي)من الروقة من عتيبه وعايش بالكويت
هذي اذا معلوماتي صحيحه
شكرا لمرورك مازن

[بروق الشمال]

اختيار موفق اخيه
تقبلي مروري

[احساس قلم]

بروق الشمال
شكرا لمرورك اختي الكريمة
دمتي دوما بخير