قصيده بالمذيعه ايناس الدغيدي

[تركي البجيدي]

هذه الابياات اعجبتني واحببت ان انقلها لكم وهي

للشاعر مشعل بن صالح العواجي




فجأه وانا اقلبٌ واشوف المحطات

يمكن اشوف اليوم شـيٍ مفيـدي

شاهدت حلقه واسمها ست ستات

اللي تقدمهـا اينـاس الدغيـدي

موضوعهم بين الفرش والمخدات

مره تراجيـدي ومـره كوميـدي

يروح كل الليل همسه وغمـزات

وضحكه يترجمها محمد هنيـدي

في هروجهم تلقى البلا والسخافات

والمشكله ناس بعملهـا تشيـدي

مفهومهم كله حبيـب وحبيبـات

في كل يومٍ عند الاحبـاب عيـدي

جمهورهم يدعم ويرسل رسـالات

الها ومنهـا مشغليـن البريـدي

اجسادهم حيه وهم ضمن الاموات

ولاينفـع الحييـن قلـبٍ بليـدي

تفكيرهم محدود حسـب الملـذات

ياويلهم من باس يـومٍ شديـدي

ناسٍ لهم مغزا ومقصد وغايـات

فكرٍ يحـاول هـدم مجـدٍ تليـدي

تغيرت بعض الحقايـق بلحظـات

ولانيب من شكوى التغير وحيدي

الى متى والوضع ندراه بسكـات

والظاهره ياخلق قامـت تزيـدي

في ذمتي ياشوف بعض القنـوات

مافيه غير النقص علـمٍ وكيـدي

لخصت انا ماشفت في جملة ابيات

والله لايرحـم اينـاس الدغيـدي

[غموض الشمال]

صح لسانك ولسان شاعرها
وتسلم يمينك على النقل المميز
تقديري لك