غير الغلا والوله عليك وش حده

[احمد الضوي]

للمبدع ابن فطيس

غيبتك لو هـي دقيقـه تعتبـر صـده= الوقت دونك سجـن وغيابـك اسياجـه
لا تعتذر لي تـرى ماعـاد فـي شـدّه=اعيد حكـي ٍ يكـود الصـدر مخراجـه
دامـه يوصـف بجـود ابيـك وبجـدّه=وشلون تبخل على المجروح بـ/علاجه؟
ووشلـون قـاوااك قلبـك رده وصـدّه=مع انه بيّن عليـه الضعـف والحاجـه
ياقـو قلـبـك بــرد ايميـنـك وردّه=بخلت بمصافحـه وارهيـت بحراجـه
لو ماسقى غيم عينـه جرهـدي خـدّه=تـراه يبكـي وقلبـه يلحـق اخلاجـه
ولو شفته يمازحـك تـراه مـن جـدّه=الضحك عن درب ضيق الصدر ماعاجه
غير الغلا والولـه عليـك وش حـدّه؟=يـادرب ليلـه ويامسـراه وسـراجـه
كنّه يعرفـك قبـل يلقـاك مـن مـدّه=مع ان مابينـك ومـا بينـه امواجـه
هـواك بـدو ٍ نـووا للقلـب بالشـدّه=ورياض قلبي لـ/شوف البدو محتاجـه
والوصل..بحر ٍ متى انت بتسمح ابمـدّه=لـ/سيف صبري وبحرك شح بامواجـه
قصيـدي اللـي قريتـه واللـي اعـدّه=قديـم لا يزعلـك معنـاه واخـراجـه
وفراغ قلبي غلاك ارهـى علـى سـدّه=ليتك تشوف الغـلا وابراجـه وعاجـه
اقوى ريـاح العـذل مـا تقـدر تهـدّه=والا الجفا لـو تنفـس هـدم ابراجـه
تغانـم الوصـل لـن البعـد لابــدّه=ياتيك في يـوم ثـم ياخـذك بادراجـه
اللي لـي انـك تليـن وتتـرك الشـدّه=واللي لك اني ما سولف بـك لهراجـه
ولاني بزعـلان واللـي نرتجـي مـدّه=يا بـاب قلبـي ويـا قفلـه ومزلاجـه
زعلة تغلي ومـن تزعلـه مـن قـدّه=مـا دام كـل ٍ يبـي دربـك ومنهاجـه
غالي وتبخـل علـي وتطّـول الصـدّه=الله يسامـح غـلاك ويلعـن الحاجـه

[نافع عيد الجديد]

صح لسانك ولسان ابن فطيس
قصيده في غاية الروعه والجمال
لاعدمناك

[احمد الضوي]

المشاركة الأصلية كتبت بواسطة نافع عيد الجديد

صح لسانك ولسان ابن فطيس
قصيده في غاية الروعه والجمال
لاعدمناك

اخوي نافع صح بدنك
ولاعدمنا مرورك العطر يالغالي

[أبو غرام]

الله عليك الله

وصح الله لسانك ولسان القائل

اختيار موفق للغايه اخي

[غموض الشمال]

ابيات جميله وذائقه شعريه رائعه
مشكور اخوي احمد على جميل نقلك
تقديري لك

[احمد الضوي]

المشاركة الأصلية كتبت بواسطة جائز المليحان

الله عليك الله

وصح الله لسانك ولسان القائل

اختيار موفق للغايه اخي

صح بدنك اخوي جائز
ومشكور على المرور يالغالي

[احمد الضوي]

المشاركة الأصلية كتبت بواسطة غموض الشمال

ابيات جميله وذائقه شعريه رائعه
مشكور اخوي احمد على جميل نقلك
تقديري لك

مشكورة اختي غموض
والاجمل هو مرورك لاعدمناك