ياوجودي وجد مخطي طاح بين عيال وايل ..

[اميرة الحرف]

مدخل..

يا وجودي كلما اضحيت ثم مال الظلال
....لا غفت عيني و لا ذقت شي ٍ مشتهيه

الوجد او التوجدهو غرض من اغراض الشعر الشعبي
ويبدأ به الشاعر بالتوجد أي تشبيه حاله ببطل قصيدته والتي يسرد قصته في القصيده وغالبا ماتنتهي بمأساه محزنه ليمثل بها حاله من وجده على محبوب او فراق اهل او أي مصدر للحزن يصوره في قصيدته

وقد طرقه العديد من الشعراء وابدعو بقصص تدمع الأعين وتعتصر القلوب

مثل قصيدة ابن مدعث الدوسري الشهيره واللتي يصور فيها حاله بحال ذلك الفتى ذا الأربعة عشر عاما واللذي جلى من دياااره وترك خلفه والده وامه العجوز وأخته الوحيده ليصور مأساة محزنه حتى اخر قصيدته

وقد جاراها الشاعر ناصر الفراعنه بقصيدة وجد شديدة الألم وقصة شاب اطلق بندقيته ليلا ليصطاد خشف ريم مر بجانبه ولم يعلم ان ظلال الريم لم يكن سوى ظل امه واللتي قتلها ليلة العيد وطرده اخوته من دياره تاركا زوجته الشابه وطفلته ذات الأشهر وقص قصة طويلة بين فيها مأساته ورحلة عذاب مريره

واعتقد ان قصائد التوجد كانت بمثابة الروايات في وقتنا الحاضر فشاعر الوجد قاص وروائي
يجيد حبكة القصة ومدى تأثيرها في النفوس ويتفنن في اخراج عذابات ابطالها بصورة تبكي الحجر

لن اتطرق لكم في موضوعي هذا لقصائد الوجد الكثيره والتي اعتقد انها مرت بكم

ولكني هنا لأطرح لكم بعضا من وجد ويلان

هذه المساحه لشعراء ويلان وابيات توجدهم

اهلا بكم

[اميرة الحرف]

يا وجودي وجد من ضاقت الدنيا عليه = تتابعت عليه صكآت بقعاء و انتحر
قبل انتحآره دوّر الناس و اومآ في يديه = و اقفوا عنه و ازداد ضيقه وخاواه القهر
أقبل عليه الحزن و آخر كلامه قال : ليه = و سؤاله استشهد بدمع ٍ من عيونه قطر
على وليف ٍ حدّ قلبي على ما لا يبيه = و أعلن وداعه لي و سلّم حياتي للقدر
أقفى و انا لو ما تكلمت كني أرتجيه = ابغى اتحمل لكن الوضع ما يبغى صبر
راح الوليف الناصح الملهم الذرب النزيه = اللي لقيته بين الاحلام جرح ٍمنتظر

سعد النفج

[اميرة الحرف]

ياوجودي وجد من ماتوا عيالـه ماتهنـا=شايبٍ طاحت عصاته مالقى احـدٍ يعينـه
وياوجودي وجد حرن من وجع كسره تعنا=ماقدر حتى يطير وصاح في صوته غبينه

سالم صالح

[اميرة الحرف]

ياوجودي وجد من طاح من طعنة غدر=والتفت خلفه واذا الغدر من يد ولده
وانتظر أنه يجي ياعسى يبدي عذر=ويوم قرب له وجاه ماخطر له يسنده

ماجد الجعفري

[اميرة الحرف]

وجدي وجود اللي من العشق تايب=اليا غزاه الليل مع كل نوحـه
كل ماطرى فالبال ذكرى الحبايب ؟=زادن على الشيبات والاّ جموحه

مشاري بن فالح

[اميرة الحرف]

ياوجودي وجد من مات خله في يديه= سبعة سنين(ن) فراق وبعدها جاه الحبيب
بعد فرقى واغتراب المصايب تحتريه=شوف عينه مات حبه مانفع كثر النحيب

احمد الضوي

[اميرة الحرف]

ياوجد حالي وجد من جوه خطار=اوجيههم بانت عليهـا النكـاده
معهم خبر تبادلو فيه الاشـوار=كلن يقول العلم يبغـى ركـاده

نافع عيد