لا ديمتك ديمه ولا بروقك بروق

[مهرة السناعيس]

هذه القصيدة من ااجمل القصاائد الشااعر حمود جلوي
حبيت اقدمها لكم واتمنى من كل واحد فيكم يختار اجمل بيت فيها





كل العيون اتطيح من عيني إلا أنت
إليا ذكرتك هزني طاري الشوق

وين أنت ياللي عالمشاعر تسلطنت
واشغلتني عن كل كائن ومخلوق

من قبل أعرفك مااعرف وين انا كنت
ولا كنت أعرف ان الهوى قمة العوق

محتاج لك لوتسمح شوي لاهنت
مليت المح لك من الضيق مخنوق

مليت أسولف عن تجافيك وايقنت
إن الزمن لاحس عنده ولا ذوق

رابع سنة مرت وللحين ما بنت
لا ديمتك ديمه ولا بروقك بروق

ضاع العمر ياللي بروحي تمكنت
وأحنا نردد كل مطرود ملحوق

إن كان ردت للمراسيل هونت
لأن المراسيل إنتهت مالها سوق

وإن كان ردت للأمل خير عينت
إن أشهد إني جيت للقاع من فوق

البارحة لا زان حظي ولا زنت
كن الحزن طوق على ناظري طوق

وين إنت ياللي في عذابي تفننت
بهديك بيت ما على غيرك يلوق

بهديك بيتن كم سنة فيه هيجنت
بيتن يساوي ألف معنى وطاروق

ليت الخلايق تنقلب كلها إنت
واصير اشوفك كل ماشفت مخلوق

[محمد بن موسى]

وين إنت ياللي في عذابي تفننت
بهديك بيت ما على غيرك يلوق

بهديك بيتن كم سنة فيه هيجنت
بيتن يساوي ألف معنى وطاروق

مهرة السناعيس

نص راقي اختي وفقتي في نقله واختيارة

يدل على ارتقاء ذائقتك الشعريه

وياهلا فيك اختي بين اخوانك وخواتك في شبكة ويلان

نورتي بطلتك وبأنضمامك

دمتي براحة بال

[هيـاا العـازمـي]

.
.

مهرة السناعيس

حللتِ أهلا .. ونزلتِ سهلا
ومرحبابكِ بيننا أُخت وصديقة للجميع

وانا أختار هالبيت .. وربي كأنه يصف حالتي البارح

البارحة لا زان حظي ولا زنت
كن الحزن طوق على ناظري طوق

إختيار ولا أروع عزيزتي

سلمتِ وصح الله لسان قايلها

لاعدمنا هذا الحضور الجميل

ومرحبا مليوووون

تقديري

هيـــااااا

[سليمان الجعفري]

محتاج لك لوتسمح شوي لاهنت
مليت المح لك من الضيق مخنوق

مليت أسولف عن تجافيك وايقنت
إن الزمن لاحس عنده ولا ذوق

مهرة السناعيس

أهلا وسهلا فيك قصيده راااائعه كل بيت اجمل من الثاني

من جمال ابياتها يحتار من يختار ..الله يعطيك الف عافيه على حسن الاختيار

وانا اخترت البيتين السابقه .. اسمحيلي فيهن

تحياتي وجل احترامي لك

[غموض الشمال]

أولآ اهلآ وسهلآ بك اختي مهرة السناعيس
والقصيده كلها جميله ورائعه
وتدل على ذوقك الراقي
تسلمين أختي على النقل الجميل
تقديري لكِ

[مهرة السناعيس]

شكرا للجميع فعلا اثلج صدري هذا التفاعل

[شاعر البيتين]

الله عليك رائعه كروعتك وروعة حضورك الراقي

كلها روعه من أول بيت الى أخر بيت تسلم الأنامل

أيها المهره ..

سأكون بأنتظار ابداعاتك ..
.
.
.
.
شاعر البيتين ..