(( يا وطن )) / (( النشيد )) / (( جامعي )) / (( عاطل )) / (( جاك )) / (( من قرف ))
\
/
\
/
(( يا وطن )) ركّز معي لحظه / وبعدين انصِرف=شوفني لامن هزعت القاف .. تبكي لي سماك
عان / هذا اللي ترعرع فيك / حتى انه عرف=وش حقوق انسان عايش طول عمره في ذراك
لآ تحاول تعتذر لي .. وانت عايش في سرف=في نعيمك كم تبطّح .. شعب ماجاك وعناك
ادري انك ماتمانع / وبحقوقي تعترف=بس مشكلتك عطاءك / راح للي من وراك
من تعلّمت (( النشيد )) .. وكل حلمي / أغترف=من نعيم المجد يوم المجد له تسرع خُطاك
والطموح اللي طمحت اكون له نعم الحَرِف=ماتعدى بيت / زوجه / وشي من هذا وذاك
وانطلقت وكنت دايم .. فاتحٍ كل الدْرف=وفي عيوني نيةٍ .. تآصل الى أبعد مداك
ياعطاءك .. ماهو ذنبي / موب انا اللي مُقترف=منهو يتحمّل خطاك .. ولآخطاك الاخَطاك
شوف هذي / هي شهادة .. جبتها وأنا احترف=جبتها أخدم وطن / قال الوطن لا ما نباك
كيف يامربى / ابوي .. الحين عني تنصرف=وين اروح وكل هذا العلم .. متأسس معاك
(( جامعي )) واحمل شهادة علم نادر .! من طرف=لآيموت الحبر فيها .. ثم تشح بمن عطاك
محتواها فيزيائي / مات (( عاطل )) ما/انجرف=والمهم اني من اجلك .. مت / وادري ما خفاك
كل ماقلته قليل / ولا يعادل ما انصَرَف=بس وش حيلة مواطن / (( جاك )) .. وإعرف ليش جاك
انتهى التأنيب وابدا في مسيرك / وانْحِرف=عن كلامي فوق .. وادري ما أنت فاضي يارعاك
الوطن يسقي جميع الأرض .. من عز وترف=وارضنا ماتت جفاف / ولا سقاها كود ماك
للوطن فيني مكانه .. والشرف يبقى شرف=والعتاب يكون دايم .. بين من يحمل غلاك
مقتنع في شي واحد / واقتناعي (( من قرف ))=خيرك لغير المواطن .. والحسد للي حماك
مخرج //
يآصاحبي .. لآتفرح انّك تخرجت .......................
حرام تستانس .. لآنك ..{ سعودي
للمبدع على الدوام / الشاعر الجميل والعذب
صالح الوقداني
17/06/10, (02:05 PM)
ياوطن .. رسالة عتب من محب
العرض العادي
