السلام عليكم ورحمة الله وبركاته
.
.
.
.
ماتباطيت القصيد الا تباطيتك
.................والشعر في جيتك شكل وطعم ثاني
عانك أقبلت ولمحتك في شطر بيتك
.................فكرة مجنونه تسلى بضيقة اوزاني
يا اعذب احساس ملكني علك وليتك
...............تفهم الشعر ان شربك بصحة لساني
يعلم الله في غيابك ماتناسيتك
..................بس في مره نويت انساك ممداني
قلت بنساك وارتفع صوتك ولبيتك
...................واثر خفاقي بصوتك عنك ناداني
وش اسوي دامني بالجوف ربيتك
.................طفل تسوى هالحياه بعين شرياني
تلعب وتكبر وتكبر لين عديتك
......................بالغلا اخر نماي وكل شيباني
والله ان عمري بدا من يوم حبيتك
.................واعرف انه انتها لو قلت تنساني
حط في بالك انا من عام خبيتك
............ان صحيت بخافقي وان نمت بحضاني
ما ابي غيري يلمحك حتى لغنيتك
.............غرت من صوت الصدى لاردد الحاني
من كثر ما اشتقت لطيوفك تمنيتك
..........رمش عيني او تصير الشوف لااعياني
وان تمادا هالحنين بجفني ضميتك
...................وقتها القاك لاكن ليه ما القاني
والله انك من لفيت بنبضي حييتك
..................وكني بقولة هلا بينت حرماني
هذا حالي يالغلا من يوم خليتك
.............وانت طمني علي فالبعد وش جاني
اذكر اني بالوفا صغتك وسميتك
...................واذكر انك بالوفا كنت تحداني
وصرت اشك بكلامك لين بكيتك
.............وقلت موعدنا يجي كان الله احياني
ويوم جيت بخافقي وبخافقك جيتك
...........كنت انا رابح مع اني خاسر ارهاني
والاكيد اني لقلبي بيدي وديتك
............وعاد شوف اليوم وين الحب وداني
ياعساني صدق ولعتك وهميتك
...............وياعساك بجد تعشقني وتهواني
ولو تقول ان بغيابي عنك عنيتك
...........انت همك صرت اعده حسبة اخواني
16/06/10, (03:35 AM)
جيتك من الشعر / محمد جار الله السهلي
العرض العادي
