لاتحسب اللي يعجب الناس يعجبك

[غموض الشمال]

ياصاحبي مجبور اعاتبك لاباس=كله من اسباب الغلا يوم اعاتبك
لو للحكم في صحة الراي مقياس=كان اقتنعت برايك وراي صاحبك
أكبر عيوبك دايمآ يابس الراس=ماتستريح الا على اللي يناسبك
ترا الحياه اكبر من مجرد أحساس=تضيع في غبة بحرها مواهبك
مافيه شك دروس الايام نبراس=الشك في.... هل تحتويها تجاربك؟؟
تعيش في دوامة العمر عساس=تلميذ واحداث الليالي تدربك
ومن مبتدا عمرك إلى نزع الأنفاس=تلقى حصيلك مايضاهي متاعبك
علم الحياه ادراكه اصعب من الياس=واوسع رحابه من وسايع مذاهبك
ولو كان تقدر تحصره بين الاقواس=ماعكرت سود الليالي مشاربك
والناس قالوا: قبلي ..وقبلك أجناس=ولاحدن على رايه من الناس غاصبك
لاتحسب اللي يعجبك يعجب الناس=ولاتحسب اللي يعجب الناس يعجبك
بعطيك لدروب الأمل..درة ألماس=قبل الصبر ينفذ..وتقرب حضايبك
اليا اعتنيت بحفظها فزت بالكاس=وأبشر بعز(ن )مايقصر شواربك
معرفة في غير دين الله افلاس=تلقى جزاها عند من لايخيبك

[علي الرماحي]

غموض

صح اختيارك

وصح لسان شاعرهـا

لاهنتي يالغالية

[خلف الغريب]

صراحة انا لا اعتبرها قصيدة بقدر ما اعتبرها درة قصائد..

سلمتِ اختي غموض الشمال على هذا الاختيار الجميل وذائقة تختار كهذا ذائقة لا غبار عليها ..

بس بودي لو تبحثين لنا عن صاحبها حتى نستطيع نسبتها اليه ..

تحياتي وودي..

[نافع عيد الجديد]

ياسلام على الابداع
صح لسان شاعرها
وسلمتي مشرفتنا القديره على الانتقاء الجميل
رعاك الله

[سالم العنزي]

الله عليك ياغموض الشمال على هذا الاختيار

واضم صوتي لصوت خلف الغريب تكفين ابحثى عن اسم صاحبها

وبهذه المناسبه اوجه صرخه للقائمين على المنتدى بعدم وضع قصاد بدون اسم صاحبها حفاظا على حقوق الناس وزيادة في الفائده

[احساس قلم]

غموض
انتقاء راقي يالغلا
سلمة اناملك
تحية تقدير لكـ

[سليمان مفضي العنزي]

ذائقه جميله لشاعره مميزه

صح لسان قائلها وسلمت يمينك