خلك لدسمين الشوارب موالي ** الي يعرفون الشيم والقوانين ( الاسمر الجويعان )

[عايش الجويعان]

بسم الله الرحمن الرحيم

هذه القصيده لشاعر ( الاسمر بن خلف الجويعان ) رحمه الله

يا لعبد لا تأمن غدور الليالي = ما تنو من دنياك لوجت معك زين
دنيا تبيد الحيل ولا حتيالي = لو قبلة لك حين تقفي بعد حين
تدور دورات الرحا بجتوالي = كم بيدت قبلك قروناً قويين
تاطاك يا لمخلوق بالاحتمالي = دورت رحاها بالجفا كون ومكين
دنياك يا لمغرور مثل الضلالي = غدرات تكشفلك خفي المغرين
ان قبلت ترقيك رؤوس العلالي = وان ادبرت تزعلك وغضايها شين
اغضايها يرخصك لو كنت غالي = ترخص وتحسب من حساب الرخيصين
افطن ترى عمرك وراه الزوالي = كم خيرا عقب الشرف صار مسكين
دنياك زينتها بنونا أو مالي = ولآخره زيناتها للمطيعين
لا تأمن الدنيا على كل حالي = وصحيفتك تنسخ كتابة كرامين
ما يضلمون العبد عند السوالي = ما قدمت يمناه يكتب ابتامين
مار انتبه واذكر عزيز الجلالي = احمد ثنا المعبود بالعسر واللين
فرداً صمد فوق السماوات عالي = اللي خلق دنياه بأربع ويومين
بستت أياما كونه بالكمالي = مابين كاف ونون قامت بتكوين
الهادي المهدي قريب النوالي = متصرفأ ما يغضي الله نضر عين
صل الفريضة واجتهد بالعمالي = ينجيك عملك يوم نصب الموازين
يومأ ما ينفعك عماً وخالي = ولا عاد ينغفك الاخو و المحامين
والناس يحصا دقها والجلالي = في ماقفا يقبل ثواب المصلين
أقول ونا ما عليه ولالي = مالي ورى المخلوق والله معافين
لا شك ننصح والنصايح اتقالي = نصيحتاً مهدينها دون تثمين
جنب طريق أهل العزوم الهزالي = طريقهم ما فيه دنيا ولا دين
الهزل هزلا من قديماً وتالي = واهل الرديه كل وقت رديين
البخل عيبا من عيوب الرجالي = وأهل الصخا مع كل الاوقات وافين
خلك لدسمين الشوارب موالي = اللي يعرفون الشيم والقوانين
الطيبين بكل حالاً اجزالي = ولا العفون بكل الاحوال هزلين
وصلات ربي عد رمل السهالي = على رسولاً بين الحق تبيين

مع تحياتي ( عايش الجويعان )

[أبو غرام]

الله يرحمه ويسكنه فسيح جناته

وقصائده درر .. كيف لا وهو من رموز شعراء جيله

شكرا لك اخي عايش على النقل

ولكن اعتقد بان موقعها على المختارات اوفق

ودي وتقديري

[عايش الجويعان]

شكرأ على ردك ياجائز وهاذا من ذوقك الرائع
وشهاده نعتز بها

[سالم صالح]

هلا ابو خالد وبيض الله وجهك على هذة القصيدة للشاعر الكبير / الاسمر الجويعان (شاعر الحكمة )


قصائدة درر ومن جيل الى جيل وهي باقيه ولا تزال


الله يعطيك العافية ولكن هالقصيدة مكانها المختارات الشعرية لانها لرمز من رموز الشعر يابو خالد


تقبل تقديري وودي

[بدرفهد الجعفري]

بيض الله وجهك ياعايش ورحم الله والديك

فقد اعدتنا للشعر الحقيقي مع هذا العملاق الشعري رحمه الله

لن امدح في القصيده لانها من هرم شعري كبير

بل اتمنى منك ان تعطي هذا الشاعر جزء من حقه لان مانشر له في الانترنت قليل ويجب عليك بما انك من عائلته المساهمه في نشر قصائد الشاعر الاسمر الجويعان

شكرا لك مره اخرى

[البدر]

شكرا ياعائش وانا اتفق مع اخوي بدر

تكفون انشروا قصائد الشاعر الاسمر الجويعان

[عايش الجويعان]

بسم الله الرحمن الرحيم


شهاده منكم اعتز بها وشكركم على الرد الجميل

( وابشرو بالمزيد ان شاءالله )