صمت وسكون الشاعر عبد المجيد المحيا

[فهد السلقاوي]

مع طلعت النور والاجواء صمت وسكون *** ماغير صوت العصافير وتغاريدها

اشـتقـت لك حـيل ياحـلو الصـفات الفـتـون = مشاعري باتجاهك صعب تجميدها

اذوب في فـمـك المـعسـول لانـك حـنـون = لاقـلـت (آهـا ) ودي بـانـك تـعـيـدهـا

امـوت بـك يـاحـيـاتي لـيـن حـد الـجـنـون = واذوب في كلمـتك واحـب ترديـدهــا

انت_حـياتي مع اسـاسي ونـور العـيـون= محـبتك في خـفوقي صـعب تحـديدها

أغـار حـتى مـن ظــلالـك لأنـه يـمـون = يـتقـن حـركات جـسمك حـيل ويجـيدهـا

لكـن دخـيلك عن الزلة وبعـض الظـنـون= كثـر المـزوح الثقـيله منـك ماريدها

كـرامتي يابعـد عـمـري عـلي مـاتـهـون = مارضى بنقصانها مارضى بتسويدها


وانا على العهد دام الراس فوق المتون= ماخـون لـو خـانت العـالم مواعيدهـا




الشاعر : عبد المجيد المحيا

[نافع عيد الجديد]

الغالي فهد السلقاوي
اختيار في غاية الروعه والجمال
صح لسانك ولسان شاعرها
رعاك الله

[غموض الشمال]

تسلم اخوي فهد على النقل

وصح الله لسان شاعرها

تقديري لك

[سليمان الجعفري]

الاخ العزيز/ فهد السلقاوي
اختيار في غاية الروعه والجمال ..صح لسانك ولسان شاعرها
الله يعطيك الف عافيه لاهنت ياالغالي
تقبل تحياتي

[بدرفهد الجعفري]

غزل مفعم بالغزل

اختيار عذب يافهد

[فهد السلقاوي]

اسعدني مروركم العذب



تحياااااااااااااااتي......