كلن تفاخر في هله والقبيله

[أبو غرام]

قصيدة رائعه لشاعرة رائعه
اعجبني شموخها وأنفتها
تكتب تحت اسم :
اريج الرياض
.
.
.

كلن تفاخر في هله والقبيله=وانا اتفاخر بالـ(هموم) الأصايل
"أحزان عمري"بالسنين العليله=تاقف مع ..القلب الندي..عن قبايل
هي عزوتي..هي كل دار انتمي له=هي صملتي..والحظ خايب ومايل
هي حيلتي..لانام جفن الوسيله=نوبٍ أصحّي فيه..ونوبٍ أحايل
مالي على رد المقادير حيله=الجرح أوفى ..من عما فرْح زايل
دربٍ يعاندني على قطع ميله=تشهدْ لِرجلي فيه..عين الرحايل
العز مهما طال عندي دليله=أرقى رجومه ..واحتزم بالفعايل
مكسب (ونعْم البنت) نعْم الحصيله=اعدا نجاحي ..من وراها قتايل
وهبت نفسي للمعالي حليله=وانجبت من طيب المكارم سلايل
وحدي جعلت من الأسامي جليله=ووحدي زرعت الظلّ..في جو قايل
أفخر بفعلي .. والحيا ..والفضيله=وتفخر (بـ..اريج الجود) كل المثايل
وان كان مالي إسم يسوى قبيله=حرام مافخر في عموم القبايل

وسلامتكم

[ماجد الغانم]

الله... الله...الله

فعلاً نص مميز يابو أحمد

لله درك على الأختيار المميز هذا


تقبل جل تقديريواحترامي

[غموض الشمال]

تسلم أخوي ابو احمد أختيار مميز

صح لسان القائل ..وتسلم الأيادي على النقل

تقديري لك

[حمد الخمعلي]

قصيده رااائعه


الاخ ابو غراااام


تسلم على النقل

كُن بخير

[أبو غرام]

سلمتم ودمتم
شاكر ومقدر للكل منكم حضوره وتواجده
ومروره من هنا
ودي وتقديري

[نافع عيد الجديد]

مليوووووووون شكر على الاختيار الجميل
ابو احمد لاتحرمنا ذوقك الراقي
رعاك الله

[أبو غرام]

هلا بك ابو عيد
سررت وتشرفت بمرورك