شاعر الذكرى00عوض القطياني00يارااحله - °~*¤®§(§ شبـــكة ويــلان العـربـيـه §)§®¤*~ˆ°

**حمد الخمعلي** · 30/03/10, (06:12 PM)

ياراحله مل السهر مني ومليت السهر=والياس خلى قمة الهاجس تساوي سافله
البال مرباع الهجوس اللي مراتعها دهر=والروح مثل الريح في عج المواجع حافله
والذاكره مثل الذلول اللي سرت حدبا ظهر=راحت تهادى مع صحاصيح الليالي جافله
ياراحله بان اليقين وخافي النيه ظهر=والغافله غنت معي ليل العيون الغافله
والنيه اللي خلت الهاجوس يدفعها مهر=ماعلمتك الشمس عنها والنجوم الآفله
رحتي من البارح وعدى من هاك البارح شهر=وعدت ثلاث سنين والدنيا بوجهي قافله
ياراحله واللي جمع في خافقي حب وقهر=أن الغلا في غيبتك شفته وقلبي شاف له
والقلب بعدك طينته صبخا ولا تنبت زهر=واللي بقا وجدِ حفر قبره بدرب القافله
ياراحله رحت البحر ضامي وخليت النهر=وغديت مثل اللي ترك فرضه وصلى النافله
ومل السهر ياراحله مني ومليت السهر=والياس خلى قمة الهاجس تساوي سافله

**نافع عيد الجديد** · 30/03/10, (06:25 PM)

الغالي والشاعر القدير حمد الخمعلي
صح لسانك ولسان شاعرها
قصيده في غاية الروعه والجمال
لاهنت على النقل المميز
رعاك الله ولاتحرمنا جديدك

**غموض الشمال** · 31/03/10, (01:46 AM)

شاعرنا القدير حمد

اختيار في غاية الروووعه والجمال

سلمت أنامل ناقلها..وصح لسان شاعرها

تقديري لك

**هاوي** · 03/04/10, (06:43 PM)

صح لسان الشاعر وتسلم يمينك ياحمد

**سليمان الجعفري** · 04/04/10, (11:05 PM)

الاخ الفاضل والقدير/حمد الخمعلي
صح لسانك ولسان شاعرها .. نقل مميز ورااائع
لقصيده في غاية الروعه والجمال ..الله يعطيك الف عافيه
لك اجمل التحايا والاحترام

**حمد الخمعلي** · 11/04/10, (02:09 PM)

الاخ القدير

نافع الجديد

الف شكر لك على المرور

كُن بخير

**حمد الخمعلي** · 11/04/10, (02:10 PM)

الاخت غموض الشماال

الروووعه هو مرورك الميمووون

كُوني بخير

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري