كانت مشاركة شاعر ويلان الشاعر سعود العواجي مميزه بكل ماتحمله هذه الكلمه من معاني
لكن حسبي الله على اللجنه ولكن قالها ابن شلحاط تم تأهيل السوداني لانه لن يجد من يصوت له !!!!
على كل سعود ان شاء الله يتأهل غصبا عنهم بوقفتكم معه ودعمكم له
كانت البدايه اثناء التقرير في بيته الشهير
الكلـمـة الـلـي مالـهـا حـــق عـلــي ............عيب علي أقولها وسط الرجال
ثم اختار هذه الابيات الجميله
الشعر ماجيته وأنا أطلب اغاثه = الشعـر بـدعٍ مبتكـر مـن مـزاجـي
نــــذر عــلــي لاطـلـقــه بـالـثـلاثـه = إذا حـروفــه ماتـلـبـي احـتـيـاجـي
وإذا الشعر ينساق عبر الوراثـه = كلي فخر جدي عقـاب العواجـي
ثم دخل الي المسرح والقى هذه الابيات كمقدمه وارتجلها واقفا
ســلام يـامــن منـجـزاتـه غـيــر ومـحـيـاه غـيــر = سـلام يامـن بيـرق أمجـاده عـلـى الـعـز اركــزه
سلام يامن صار للشعر وهلـه عـون ونصيـر = ســلام يـامـن يستـحـق الـذكـر عـــن مـايـحـرزه
رجعتـنـا لعـهـد الـفـرزدق وأبـــو تـمــام وجـريــر = وأنت الوحيد اللي قدرت يمناك صنع المعجزه
لا يابعـد مـن جمـع أموالـه وهــو مافـيـه خـيـر = والا أنت مالك تنفقـه يـوم أكثـر النـاس اكنـزه
كبـيـر يامحـمـد ولــد زايــد مـــن سـلالــة كـبـيـر = وأنا أشكرك بإسمي واسم ربعي على ماتنجزه
ماجالك أبن عقاب وحداني معه جمـعٍ غفيـر = لأن العواجي لاحضر يحضر باسـم كـل عنـزه
ثم جلس على الكرسى وابتدأ قصيدته الاساسيه والتي كانت بعنوان
(آسمى مكان)
على الله والمكان أسمى مكان وطاب ليلي طاب = علـى المسـرح وهالقـاعـه دخـلـت بــإذن حاجبـهـا
ترخـصـت لدخـولـي بــالأدب ماجـيـت أدف الـبـاب = ثقافـة ربـع قــرن بالحنـايـا وجـيـت أبــي اسكبـهـا
هنـا للشعـر شـرع ومدرسـة ماهـي شريعـة غــاب = هـنــا عــقــول تــمــد الـنـصــح مـانـنـكـر مـواجـبـهـا
وأنا جيتك ياأبوضبي أتشـرف وأكسـب الإعجـاب = سريـت ولـك سـرت معـي القصايـد مــن مكاتبـهـا
دعـانـي طـيـب أهـلـك الحاتـمـي وجـــوك الـخــلاب = وأصالـة شعبـك اللـي طيبهـا مـن طـيـب شايبـهـا
خذانـي شعـري لـدرب الطـمـوح ويـاأولـي الألـبـاب = بــدأ المـشـوار والسـاعـة بــدت تـمـشـي عقـاربـهـا
سـبــرت بـعـيـن مـنـظـار الـجـزالـة قـمــة الـمـرقــاب = ولا اتـضـحـت لـــي الـصــورة ولا بـانــت جـوانـبـهـا
ثـلاث سنيـن والصـبـر الجمـيـل لشرهـتـي جلـبـاب = وأنـــا عـيـونـي عـلــى الــصــورة أبـعـدهــا وأقـربـهــا
وأشوف اسباع بتاعـه لهـا مخلـب شطيـر ونـاب = تــســن أنـيـابـهـا لاشــاشــت وتـشــهــر مـخـالـبـهـا
وأنـا لـي نـاب مثـل انيابهـا شاطـر ولـي مـخـلاب = أزاحـمـهـا عـلــى الـقـمـة وأجـــي وأدحـــم مناكـبـهـا
يشوش من السطر رأسـي وأهيبهـا ومنهـا أهـاب = ومـــــن لاهــــــاب مــنــهــا بـالـمــلاقــى مـايـهـيـبـهـا
معي قافٍ صليلـه يـوم أسلـه مثـل سيـف عقـاب = حساب الوقفـه اللـي مـع فحـول الشعـر حاسبهـا
يجمعنا الشعـر ماهـو تفاخـر فـي أصـل وأنسـاب = ومغـنـيـنـي مــــن الـدنـيــا ذكــــر وايــــل ومنـسـبـهـا
وإذا عيـون الشعـر عيـت لحرفـي تـرفـع الأهــداب = لـــك الله غــيــر تـسـطـربـه لــــو تـعـقّــد حـواجـبـهـا
ماأبيـه يقـال لـي لاجيـت بعـد غيـاب ليتـه غــاب = لـذلــك كـــل كـلـمــه طـايـشــه بـاحـســب عـواقـبـهـا
تـمـرسـت الأدب والـحـلـم مـنـهـج والـحـيـاة كـتــاب = بـهـا تعلـمـت صـفـحـات الـتـجـارب كـيــف أقلـبـهـا
حشمت أذني عـن مصافـح كـلام الحاقـد الكـذاب = مـثـل مـاعـادت رجــال الـوفـاء حشـمـت شـواربـهـا
ألــوم الـمـرء لامـنـه سـقـط فــي ثـــورة الأعـصــاب = ولـــكـــن الــنــوايــا لاخـــطـــأت ربــــــي يـحـاسـبــهــا
ولابـه شخـص مايخـطـي لـكـن الأخــذ بالأسـبـاب = سـمـت بـعــض الـرجــال الـلــي ضمـايـرهـا تأنـبـهـا
يقال أحسـب لهرجـك قبـل لاتحكيـه ألـف حسـاب = وعـامـل كــل خـلـق الله بحـسـن أخــلاق تكسبـهـا
وبالاجمال كانت تعليقات اللجنه تثني وتمدح في القصيده مع توضيح الكثير من الصور الجماليه بالقصيده
مع بعض الانتقادات الخفيفه كعادتهم وان كان ليست كلها في محلها .
14/01/10, (02:40 PM)
قصيدة الشاعر سعود العواجي في شاعر المليون في الحلقه الخامسه
العرض العادي
