نااااااااااااااااااافع الاسود مطلوب مباااااااااااااشرالصدام بالصدام

[ناجي الخمشي]

ناجي الخمشي

دورو نافع سفير الشعر والطرقه طويله= والله انه مايعز الديره الا فعل اهلها
بالخطوط الحمروالا بالخطوط المستحيله=ان نقضها مانقضها وان فتلها مافتلها

نافع الاسود

مرحبابك يالدعيجي كل يوم وكل ليله=والدياربخير لو ماريفها يشبه محلها
لاتقرب للخطوط الحمرتزعل لك قبيله=وانت عارف وش رضا بعض الرجال وش زعلها

ناجي الخمشي

البقابك والعرب مايذبحون الا الجزيله=والسحابه خيلت واشوف غطاكم هللها
القبيله ماتناظرغير لاصحاب الفضيله=والله انه مايبرك لحمول الا جملها

نافع الاسود

انت في صدرك علومن ياكثيره ياقليله = مار كل الي بصدرك ياوسيع العرف قلها
ان عطيتك سيف اخو نمشه يمينك هي تشيله= كان شلنه يدينك ناجي القمه وصلها

ناجي الخمشي

والله انه مايدل الدرب ياكود الدليله=كان جبتوها رضينا لوجهلكم من جهلها
لاتسمم لي عقول الناس وتشب الفتيله=الله انه لايبارك في حلاوتك وحللها

نافع الاسود

والله انك شيخ قوم ولا نقدم لك هزيله=والذبيحه راسها من فوقها لــكْــن انت كلها
قومت تغلب وبكر حروب من شان الجليله= وراس جحدر ماحلقه لين روحه جاب اجلها

ناجي الخمشي

دلة الفارس تقدم له بفنجاله وهيله=وانت تنظرلي بعين وعين مدري من كحلها
الجحادل واجده كم دولتن عادت دويله=والثمينه من ثمنها والرخيصه من هزلها

نافع الاسود

با رك الله فيك فارس قوم وسيوفك صقيله = مار ياحمى الوطيس وجيت بالميدان شلها
مايصح الا الصحيح ولا عروش بلا وسيله= والنفوس محاسبه يوم المحاسب في عملها

[مرضي الخمعلي]

ألف شكراً
محاورة قصيرة لكنها ( دسمة)

والله انه مايعز الديره إلا فعل أهلهـا
وانت عارف وش رظا بعض الرجال ووش زعلها

رسالة خاصة ومهمة
الأخطاء الإملائية التي تأتي من سرعة الكتابة، وللحاق بالوقت شوهت جمال الأبيات.

لو كان لي صلاحية التعديل، لمررت عليها أجمع، ليستمع القارئ بما كُتب.
لأن الأخطاء الكتابية/الإملائية أحياناً تكسر البيت أو تغير معناه.

صباحكم جميل دوماً.

تحياتي

[صالح السالم]

ههههههههههههههههههههههههههههههههههههه

صحت الالسن

محاوره فيها اسرار لكن اظن نافع ما عنده سر

دام تواجدكم يا مبدعين

[ناجي الخمشي]

مرضي الخمعلى

يسعد صباحك

اشكرك جزيل الشكر على ملاحضتك

شكرا لمرورك

مودتي

[ناجي الخمشي]

الشاعر صالح السالم

صح بدنك

شكرا لمرورك العطر

مودتي

[سلامة الجعفري]

اعذرونا ماحضرنا هالمحاورة الطيبة

صحت السنتكم ومشكورين على الابداع

وسيتم التنسيق في الاعلى

[حمد الخمعلي]

الاخ ناااجي

الاخ نااافع

صحت السنتكم جميعً

قومت تغلب وبكر حروب من شان الجليله=وراس جحدر ماحلقه لين روحه جاب اجلها
الجحادل واجده كم دولتن عـادت دويلـه=والثمينه من ثمنها والرخيصه من هزلهـا

اقف اماااااااام هالبيتين

ممتعين ومبدعين وجميع الا بياااات جزله0

:thumb s_up:

تقديري