"عشتك غموض"

[بنت الكحيلا]

جيتك مع الصحراء وجابتني الريح =أبغاك لي أبلاد مليت غربة

يكفي شقا يكفي قساوة وتجريح =ياكربتي مامثلها اليوم كربة

لمحت لك لاشك مافاد تلميح =الحظ خالفني وضيعت دربه

لايبعدوك أهل الوجيه المكاليح =تعال عذر الخوف لاتعتذر به

خذني معك عن دنيتي قبل ماطيح =خذني معك عن واقعي لاحتضربه

ليتك فهمت المشكلة دون توضيح =ليتك رفضت البعد قبل انجبر به

من هو يلوم أهل القلوب المجاريح =من هويلوم اللي زمانه عثربه

عشتك غموض ولافهمتك بتوضيح =أخفيت حبي يوم قلبي جهربه

[أبو غرام]

يالله حي الاخت الشاعر بنت الكحيلا

ابيات روعه وصح لسانك عليها
دمتي بود اختاه

[بنت الكحيلا]

الله يبقيك اخوي ابو غرام

وصح بدنك والله يسلمك

الروعة تكتمل بمرورك العطر

لك تحياتي

[حمد الخمعلي]

الاخت القديره بنت الكحيلا0

ابات رفي غاية الجمال0

عشتك غموض ولافهمتك بتوضيح00أخفيت حبي يوم قلبـي جهربـه

ابيات لامسة خفاقي وهذا الشعر هو الذي تقراه لغيرك وتحس في نفس احساسه ويلامس خفاقك0

سلمت اختي على هذه الرائعه0

سجلي اعجااااابي الشديد0

تقديري

[صالح السالم]

المشاركة الأصلية كتبت بواسطة بنت الكحيلا

جيتك مع الصحراء وجابتني الريح =أبغاك لي أبلاد مليت غربة

يكفي شقا يكفي قساوة وتجريح =ياكربتي مامثلها اليوم غربة

لمحت لك لاشك مافاد تلميح =الحظ خالفني وضيعت دربه

لايبعدوك أهل الوجيه المكاليح =تعال عذر الخوف لاتعتذر به

خذني معك عن دنيتي قبل ماطيح =خذني معك عن واقعي لاحتضربه

ليتك فهمت المشكلة دون توضيح =ليتك رفضت البعد قبل انجبر به

من هو يلوم أهل القلوب المجاريح =من هويلوم اللي زمانه عثربه

عشتك غموض ولافهمتك بتوضيح =أخفيت حبي يوم قلبي جهربه

الله اكبر عليك
صح السانك

حقيقه كل بيت فيها اجمل من الأخر

قصيده تستحق القراءه اكثر من مره

تقبلي مروري

[عوض بن خميس]

الاخت بنت الكحيلا
نص فى غاية الجمال
..وفقت امامة طويلا
صح لسانك
وفى انتظار جديدك
تحياتى

[بنت الكحيلا]

اخوي حمد الخمعلي اشكرك على كلامك الجميل

والله يسلمك ويعافيك على مرورك الرائع

لك شكري وتقديري