هين مردك للفرج ياأكبر الضيق ..دام الليالـــــي تقتفيها ليـــــالي !!

[عبدالعزيز السعود]

هين مردك للفرج ياأكبر الضيق ..=دام الليالـــــي تقتفيها ليـــــالي !!
هي بس تبغى طول صبر وتوافيق ..=وأشيل هم الناس كله لحالي !!
وعمر المربط مايسوق المطاليق ..=والحر مايرضيه غير المعــالي !!
ياصاحبي وإن زاد ظلم المخاليق ..=فـ لا تحسب إن الله عن الخلق سالي !!
والطيب يمحى العيب عرف ومواثيق ..=وإلا الخطا ماله على الطيب والي !!
واللي جرحني بين حدب ومعاليق ..=ماأخفي عليك إنه إلى الحين غـــالـي !!
ياحلمي اللي مالك اليوم تحقيق ..=حبك حقيقي بس وصلك خيالي !!
والحب يفضحني وإن أخفيته يويق ..=وإن مامضالي بالوفـــا مابقالي !!
جرحتني مخـتار ياحالي الر يق ..=وأسامحك مجبور ياراس مالي !!
صوره ولا يحتاج الإحساس تعليق ..=أركض رجا ويطيح ميّس ظلالي !!
وإن كان بيبان المشاعر مغاليق ..=فما هو جديد إن الزمن ماصفالي !!
ليت الهوى جمعه ولا فيه تفريق ..=أو ليت ماللبعد فـ القلب صالي !!
ياصاحبي وإن شلت لك فوق ما أطيق ..=فـ أنا لحالي جيت وأرحل لحالي !!
وهين مرده ينتهي كل هالضيق ..=دام الليــــالي تقتفيها ليــــالي..!!

[الصقار]

هين مردك للفرج ياأكبر الضيق ..

دام الليالي تقتفيها ليالي !!

هي بس تبغى طول صبر وتوافيق ..

وأشيل هم الناس كله لحالي

الغالي
عبد العزيز

قصيده رائعه واختيار مميز

كما عوتنا

واللي جرحني بين حدب ومعاليق ..

ماأخفي عليك إنه إلى الحين غالي

صح لسانك ولسان شاعرها الرائع

تحيااااتي

[صالح السالم]

بيض الله وجهك على النقل


تشكر اخوي عبدالعزيز


قصيده يحتفي بها هذا القسم ... وذائقه مميزه منك

تقبل مروري

[صالح السالم]

من هو شاعر القصيده اخوي عبدالعزيز

[عوض بن خميس]

اخى عبد العزيز السعود
نص رائع وذائقة اروع
لاعدمناك اخى. تقبل مرورى
تحياتى

[الجضيعي]

عبد العزيز السعود

صح لسانك


واختيار رائع كعادتك دائما

[بنت الكحيلا]

اختيار رائع اخوي عبد العزيز السعود

الله يعطيك العافية على ذووقك الرفيع

لك تحياتي وتقديري