حسبي عليك ان زدتني بالسهر كاس..

[أحمد غانم العنزي]

حسبي عليك إن زدتني بالسهـر كـاس=ذبحت لك مـن فيـض فكـري عقيقـه
وإن قلت عذبتـك معـي قلـت لابـاس=أنـا احبك يالـجـروح العميـقـه
وجرح الغياب اللي علـى خافقـي داس=كنـه يناولـنـي زهــور الحديـقـه
أحـب هوجاسـه علـى كـل هوجـاس=وسنيـن عمـري فـي غرامـه دقيقـه
طيفك يصبرني علـى مـر الأتعـاس=وشلـون لاصرتـي بعمـري حقيـقـه
ولو كان وسوس لي من الشوق وسواس=ورد المحـبـة مـاغـدرت برحيـقـه
أحشـم طيوفك والمعاليـق يبـاس=وانظـر لهـا نظـرة شقيـق لشقيقـه
رفعت حبك عن هوى بعض الأنجـاس=أنـا علـى هـاك السـلـوم العتيـقـه
وعن جود وصلك ماغشا خافقي يـاس=أنـا الصديـق اللـي يقـدر صديـقـه
يوصل مراسيلك هـوى كـل نسنـاس=مافـيـه شـيـن ياحيـاتـي يعيـقـه
نسناس ينسينـي غثـا سايـر النـاس=يازيـن زفراتـه ومحـلـى شهيـقـه
واللي يقـول ان المحبـة بهـا افـلاس=أنا اشهـد انـه غاديـن فـي طريقـه
شف كيف لاسقاني هواجيـس بالكـاس=ذبحت له مـن فيـض فكـري عقيقـه