قصيدة العتيبي بفهد ابن مهل الجعفري

[سليمان الجعفري]

قصيدة الشاعر محسن حبلوص ابن عميرهـ المغيري العتيبي
أهداء الى الأخ العزيز فهد بن مهل بن شارع الجعفري العنزي

يالله يامعـبـود ياخـيـر معـبـود = ياباعـثٍ عبـده وكـاسٍ عظـامـه
ياعالـم الخافـي ويامنبـت العـود = تحفظ فهد شيـخ الكـرم والشهامـة
شبلٍ تسلسل مـن صناديـد وفهـود = ياسعد منهـو فـي اللـوازم حزامـه
يابن مهل يامنبـع الطيـب والجـود = يالنـادر اللـي كـل طيـبٍ ترامـه
انته يابو بندر مثـل نايـف الطـود = يزبنك مـن حـده زمانـه وظامـه
يامزبن اللي من عناء الوقت مظهـود = الطيب في يمنـاك تقضـب خطامـه
بـابٍ مشـرّع والمعاميـل والعـود = ونجـرٍ يصـوّت مرحبـا للكرامـة
وصينيتٍ فيها مـن الحشـو مفـرود = مثل الجبل ردم الشحم فـي سنامـه
من لابتٍ يوم اللقـاء تشفـي كبـود = دقلاتهم مثـل البحـر فـي التطامـه
اليا صاح صياح الضحى وخذت القود = عدوهـم يلقـا النـكـد والنـدامـه
قلته وانا مالي وراء القـول مقصـود = الا الغـلاء للـي رفـيـعٍ مقـامـه
وصلاة ربـي عـد ماهبـت النـود = وعداد مـن صلـى وكمًـل صيامـه
على رسول الله وهو خيـر معبـود = شفيعنـا المحبـوب يـوم القيـامـه

لمن اراد سمعها صوتي بصوت الشاعر على الرابط التالي

http://almobile.maktoob.com/org/uploads/6fcd5c20d9.mp4

[الصقار]

قصيده جزله

والنعم بالمادح والممدوح ---


شكرا لك على الاختيار الجميل اخوي سليمان

تحياتي

[سليمان الجعفري]

ابن هندي

شكراً جزيل لمرور العطر

الله يعطيك الف عافيه

ومن العايدين بعد الزحمه

تقبل تحياتي واحترامي

[خلف الغريب]

اخوي سليمان الجعفري ...

كل عام وانت بخير ..

صح لسان الشاعر ويستاهل اخونا ابو بندر وعز الله انه كفو لها ونعم فيه وبربعه عموم..

شكرا لك لايراد القصيدة...

[تركي صالح]

شكراً أخي / سليمان الجعفري

وصاحب القصيده ومن قيلت فيه

يستحقون الشكر والمدح

ويستاهل الاخ ابو بندر كل خير

وتقبل خالص التحايا

[سليمان الجعفري]

الاخ العزيز خلف الغريب

شكراً جزيل على مرورك الكريم

الله لايهينك يابوخالد ولأ عليك زود

و من العايدين الطيبين ان شاءالله

وابوبندر يستأهل اكثرمن ذلك

تقبل تحياتي واحترامي

[سليمان الجعفري]

تركي صالح

شكراً جزيل على مرورك العطر

الله يعطيك الف عافيه

تقبل تحياتي واحترامي