هنا تم جمع المحاورة وتنسيقها ليسهل الاطلاع عليها مع خالص الود والتقدير للجميع...
عقاب
سلام الله سلام مايساق الا على الويلان=لنا كل الفخر في عزوة ٍ ذاعت فعايلهـا
فقدنا الخمعلي والقوم صكوا دونه البيبان=وانا بقول لاهو باخر العالـم ولا اولهـا
نافع
نيابه عن ربوعي تاج راسي عاليين الشان = هلايامــــرحبا ترحيبة من قلب قايــلها
انا من عادتي ماجالس اللي يحقر العربان =وانا ماقول هرجه غير مثبت لك دلايلها
عقاب
عسى فيك البقا والبيت له ياصاحبي سيسان=ومثلك شاعر في اللازمـه ربعـه يجملهـا
ترى الحقران يانافع علاج الدايخ المرضـان=وهذي قالها اللي خالـط العالـم وعاملهـا
نافع
عسى ربي يعزك وانت رجل تكرم الضيفان = ومن لابه عزيزه من قديماتن سلايلها
حقرته ياعقاب وذاك عده طير ابن برمان = يعيش بدنيته محقور مايقدر يحايلهــــا
عقاب
ما فوقك زود يالغالي وربعك باللقـا فرسـان=تضد القـوم لا مـن تعلـوا فـوق اصايلهـا
اخبراللي جرى واعرف من الرابح من الخسران=ونـاسٍ ماتعـزك خلهـا واهجـر رسايلهـا
نافع
الايا عقاب ياعز الـــرفيق وترثة الشــــيخان = تحلون المشاكل كان صعبة في مسائلــها
مادام ا نك تخبر الوضع ماني بالوضع بلشان=اخيل ابروق ياصاحب على الديره مانازلها
عقاب
والا يالخمعلي كلن يضد القوم والعدوان=يومن الحرب ثاير بين صايلها وجايلها
انا ماغثتي غير اسم بارز باخر العنوان=وهذي قومٍ اخرها مجنب درب اوايلهـا
نافع
نعرف اهل الفعول ونعرف الخاسر من الكسبان = ومن يجهل علوم القوم ينزل في مسايلها
يدور الوقت يالصاحــب وينكب نكبــة احزيران = ولاينفعه فـعـل اجـــدوده اللي مــايكـملهــا
عقاب
الا ياطير ياطير السعد طرواشهر الجنحان=وكل الناس تنزل ياعميلي في منازلهـا
ان اظنه يعاني ياعميلي من عمى الالوان=ولابس له ثياب فوق جسمه كيف فصلها
نافع
ابي تكفخ معي يعقاب وانا لخوتك شفقان= نبي نبعد بعيد وخطوتك لازم تعجـلها
نبي نترك سواليف عن ال فلان وال فلان = وكل له ربوع وديرة يعرف مـداهلها
عقاب
انا لي الشرف في خوتك ياعالي الميزان=ومثلك خوته تشرى ولانبغـى مقابلهـا
معك حق وتقبل عذرنا في تالي القيفان=عسى الايام تجمعنا و مع شرواك نكملها
نافع
ترى خوتك ياكحيلان ماتنقاس بالاثمان = وقولة نعم في شرواك ملزوم نسجلها
تفظل حدد الموعد وحدد ساحة الميدان= ومن يبرك لحمله عادتي فوقه احملهــا
16/11/08, (10:33 AM)
هنا المحاورة المباشرة بين الشاعرين نافع الجديد وعقاب العنزي...
العرض العادي
